أخبار الأندية السعودية ليوم الجمعة 21 \ 11 \ 1431 هـ من الصحـف ..

عواكيس

* صديقي معوكس ما هي مشاريعك المقبلة التي تنوي الاحتفال بها؟
فوزي الراجح - الرياض
- الاحتفال مع بعض الجيران بمرور عشر سنوات على افتتاح بقالة وخباز التميس والمطبق!

* ما تشعر يا معوكس أن بعض الحكام الأجانب يجون عندنا وكأنهم ملقنين، فتش عن السر رايح تلقاه أيها "الأمين"؟
مثقال الوافي- حفر الباطن
أي أمين الكحلي ولا أبوطبله؟!


* الأستاذ معوكس بحكم خبرتك الرياضية وتوقعاتك الصائبة من تتوقع يصعد لدوري الأضواء ومن تتوقع يهبط إلى دوري الدرجة الأولى؟.
متعب صويان الشمر ى
- اتوقع اللي ياكل خسائر ويهبط يحتفل بعد مرور عشر سنوات !


* اكتشفت ياخ معوكس ليش بعض "المعتوهين" يترددون على بعض القنوات، ما لقوا ضيوف وأنت عارف وقت بعض البرامج طويلة وتبي اللي يعبئها؟
سعد السويلم – بريدة
- لو يحصلهم ناموا في الاستديو من الفضاوه!


* السيد معوكس وش قصة المعلق الشوالي في لقاء الهلال والنصر الرجال قام يخبص،؟
فهد المريعي – الجوف
قصته كابرويا الديك المنتف !


* عزيزي معوكس ليش رئيس الطائي استقال ثم تراجع، الله يستر مايجي الدور على رئيس الجبلين وإلا اللواء؟
سالم الشريهي- حائل
- يمكن فريقه طلع من الآسيوية !


* المطنوخ معوكس ماودك نتعاقد معك محلل في قناتنا الجديدة، ونوعدك آن تسهر معنا في منزل رئيس فريقنا المفضل بعد البرنامج مباشرة، قل تم فرصه ما تعوض
خالد الرافع- الرياض
- أسهروا بالحالكم وأحلموا وأحتفلوا !


* المكرم معوكس عندنا لاعب نبي نطلعه من "حفر حارتنا" الى فريق كبير عشان تعرفه الجماهير وتكتب عنه الصحافة، تراه حبيب وتوه جاي من القرية.. مادامك يقولون سمسار طلبتك شف له فريق كبير قل تم؟
نواف المرشيدي- تيماء
حولوه على "خبير الحفر" اللي يطامر من قناة لقناة !


* الأخ معوكس وش رأيك باللي يتصل على رئيس ناديه المفضل يبي يبشره بخسارة المنافس وقال للسنترال صرفوه، وش السواة معه، ما ظنك يحتاج كي على الرأس؟
محمد الرويبخ – الخرج
- مافيه فايده لو يصك رأسه بكرعان نياق خويه!


* اللاذع معوكس صحيح انك تحولت شريطي جوالات وان الأرقام المميزة كلها عندك.. لا يكون انهبلت، أهم شيء لا نتصل عليك ويقول الرقم أن الشخص الذي طلبته غير موجود بالخدمة مؤقتا؟
تلفيق الخريطه –الخرج
- الشخص الذي طلبته دايخ من "صياد" !

* الأخ معوكس ماذا لو أنت مسؤول عن إحدى القنوات الرياضية ماهو البرنامج اللي رايح توقفه بلا تردد؟
هايل العنزي- الشملي
ماغيره إرسال الاساءات اللي كنه حراج الرخوم !

* أخي معوكس أنا لاعب مطرود من فريقي وأعضاء الشرف مايبوني والجماهير تعلقت بنجوم أفضل مني والإعلام المرئي إذا حليت عليه صرت فال شؤوم وش الحل برأيك؟
نجر المنحوس- الدوادمي
- الحل أفهمها وضف وجهك !


* وش رأيك ياسيد معوكس بالمذيع اللي يتفق مع ضيوفه قبل البرنامج على المحاور، وأمام الناس يدعي انه هو اللي وضع المحاور وانه محايد بينما العملية مرتب لها من خلف الكواليس واحيان يطير مع "العجة" ويأخذ بمشورة رئيس ناديه؟
فهد الدوسري- الافلاج
- عارفين كل شي مطبوخ وأن طولوها ماعني وعن فضحهم !


• البروفيسور معوكس ليش بكى غيرتس بالمؤتمر الصحفي والصبح بدري غادر الى المغرب لايكون تذكر مندي العريجاء؟
سماح الهذلي-الطائف
- دموع تمساح عود !


* صراحة ما ندري من نصدق ناس تقول انك تاجر عقار وناس تقول ناقد وناس يقولون مقدم وناس يقولون انك تجيد مهنة "الصلخ" لاتفهمني غلط قصدي حش عباد الله؟
فارس الموسى- عنيزة
- أجيد الضغط على المتعصبين وربع البيانات والمداخلات!


*عزيزي معوكس بعد التحية من ترشح ينقل احتفال فريقنا بالعالمية
صديقك-يزيد العودان –حي الربوة
بما أن التأهل صار سنة السبلة ماله الا روتانا زمان مع افلام اسماعيل ياسين !


*عمهم وحابس دمهم أبو العواكيس بعد التحية ودي أعرف وش قصة العالمية صعبة قوية
صديقك عبدالملك المرشد –عرقه
اجل المحليه سهله وجابوا الرباعية وكل سنه دوري وكأس!


*الحبيب معوكس تحية ودي أعرف ليه ادارة الهلال جاملت غريتس وبقوه الين جاب العيد
بندر العصاي – عنيزه
- جاب العيد وضحى بهم لعيون كازا !


*عزيزي معوكس وش رأيك في الضيف اللي جاء مع ملفي والحمادي في ساعة الصفر
عبدالله السنيدي- الرياض –السويدي
- صفر على الشمال ومادرى عنه أحد المستكاوي !


*صاحب المليون رساله أبو العواكيس وش رأيك بعبد الغني والدوخي عقب المنصات والكؤوس مع الاهلي والهلال والاتحاد بيعتزلون بدون شي؟
عبد الرحمن الضويان-العليا
- قبلهم أكلها فؤاد والمهلل والغشيان !


*عزيزي معوكس
ودي تعطيني وجهة نظرك عن صفقات الهلال هذا الموسم
حمد الدوسري –أبومبارك
*ماقصروا جابوا ميسي وكاكا !