ترى البشر ياخوك منقسمه أقسامـ
بين الردى والطيب شفت الحقايقـ
لقيت من صلى وزكا ومن صامـ
ولقيت منهو لأقرب الناس بايق
ولقيت منهو قلبه حقود ونمام
ولقيت من قلبه يعز الرفايق
ولقيت من يبني الامل فوق الاوهام
واللي يموت ولايعرف العوايق
ولقيت من يملك بساتين وأنعام
واللي من الحاجه ينام متضايق
الله خلق هالخلق ساده وخدامـ
ذي دبرة الرحمن رب الخلايق
وآخرك يابن آدم ترى قطعة الخامـ
أمر أكيد ومايبيله وثايق
يالله عسى ماكون قطاع الارحامـ
وعساي من عقب القبر في حدايق
جاك الكلام وخذ معه بصمة ابهامـ
ان العمر كله مجرد دقايق
حاصل على ترخيص من وزارة الثقافه والاعلام السعودي
رد: أكتب أجمل بيت سمعته في حياتك
العرض الشجري