قصيده قصيره ولكنها تسوى الف قصيده طويله

المشاركة الأصلية كتبت بواسطة هاوي نجد

الغيب مايعلم لكن العقل ساس الاختراع = ليا اشتغل عقلك عرفت الناس وش فـ قلوبها
وان كان منته مستفيد من الدماغ الا الصداع = ما غير حظ الصيدليه ماتبور حبوبها
لاصرت ما تتعب على والنعم قدر المستطاع = صدت ولفت لك ظهرها واعطتك عرقوبها
وليا تملكت الكرم والحكمه وطول الذراع = لا تشغلك نفسك تراك اعطيتها ماجوبها
والواحد اللي لاكريم ولا حكيم ولاشجاع = مفروض يعطي ثوبه الحرمه ويلبس ثوبها

كلام سليم صح السانك