وصف القهوة

يامن لقلب كل ماالتم الاشـــــفاق ==== من العام الاول به دواكــــيك وحفوق

يجاهد جنود في سواهيج الاطراق === ويكشف له اسرار كتمها بصــــــندوق

الي عن له تذكار الاحباب واشتاق == باله وطف بخاطره طاري الــــــــــشوق

قربت له من غلي البن مـــــــالاق ==== بالكف صافـــــيها العذق منــــسوق

احمس ثلاث يانديمي على ساق == ريحه على جمر الغضا يفضح السوق

حذارك والنيه وبالك والاحراق == واصح تصير بعاجل الحمس مطـفوق

الى اصفر لونه ثم بشت بالاعراق == وبقيت كما الياقوت يطرب له المـــــــوق

وعطت بريح فاضح فاخر فاق === لاعــــنبر ريحه بالانــــــــــفاس منـــشوق

دقه بنجر يسمعه كل مشتاق === راعي الــــهوى يطرب الى دق بخـــــفـــــــوق

واحشة بدله مولع كنها ساق === بلورة منـــصوبـــــــــة تقل غرنوق *

خلة تفوح وراعي الكيف يشتاق === الى طفح له جوهرصــــــــــح له لوق

قمور صغار كالزمرد بالاشعاق === وكبارها الطافح كما صافي الموق

وزله على وضحابها خمسة الرناق== هيل وسمار بالاسباب مســـــــحوق

مع زعفران والشمطري الى انساق == ريحه مع العنبر على الطاق مطبوق

الى اجتــــمع هذا وهذا بتــــيفاق == فصبه كيفت العوق عن كل مخلوق

الى صب فابصر جوهره تقل شبراق == رنق تصور بالحمامه على الطوق

شكل غزا الفنجال صبغه كما راق == دم القلب وان مزع مــنه معلوق

خمر الى ماانه تساقي بالارياق == وعليه من ماصـــــــــافي الورد مذلوق

راعيه كنه شارب ريق تارياق == كاس الطروب وسرور من ذاق له ذوق

يحتاج من خمر السكارى الى فاق == طفل يشف شفاه والعنق مفـــــــهوق

عبث يعيل بحبه منه ماماق === وهو يضاهي باهي الـــبدر بعــــــــشوق

في وجنتيه الى غنج بارق حاق === عجل رفقيه بالطها الغرق بطــــبوق

سحر كتب من حبر عينه بوراق === خديه صــــادين ونورين من فــوق

كن العرق بخدودها حص ارناق === نثر على صفحات بلوره الــــشوق

الى تبسم شع واشرق بالافاق == نور يفوق البدر سحار منــــــــــطوق

وبالعنق كن المسك والورس براق == مامشخص في صدري الشاخ مدفوق

تمشي برفق خفوفها مدمج الساق == يفصم حجول هزه الثقل من فـــــــوق

الى صفت لك ساعة وانت مشتاق == فاقطف زهرمالاق والعمر ملـــحقوق

فالى حضر ماقلت عني فالارزاق == == بيدي كريم كافل كل مخــــــلوق

هذا وصلوا عدما ناض براق ===== اوماشكي الفرقا شفيق لمـــــــشفوق

على النبي مازج زاج بالاوراق ==== والـــــــــــه صحبه عدما سيق سيوق