نشف دم العتاب وجف ريق اللوم !!
معك ضاع الكلام وماتت أحلامـي
وش اللي ممكن أقوله وأنا مصـدوم
بعد ما مات أجمل حلم .. قدامـي !
على كثر الحزن ما مرني في يـوم
مثل حزني على .. حقيقة أوهامـي
أنا ماني هنا !! يا طعنـة المقسـوم
على الكرسي بقايا حزن مترامـي !
جروحي ظلم وإحساسي معك مظلوم
وصمتي سالفة جرحي عن آلامـي
من عيونك عرفت إن الوفا معـدوم
ومن عيوني يا موطن جرحي الدامي
عرفت تطيح لكن ما عرفـت تقـوم
وأنا ما همني وش أسفل أقدامـي !!
معك ولا بدونك .. ماني بمحـروم
ولكنك بدوني .. جايع وضامـي !!
خذ الباب بطريقـك .. وتحيـا ودوم
على شان الشعر والبـوح وإلهامـي
أحاسيسي تبي بعدك وأنـا ملـزوم
أوازي فعلي .. بتفكيـري السامـي
أنا أكثر شخص يشبه شعره المنظوم
سنواتي ورق .. وإحساسي أقلامـي
من أيامي كفاك اللي مضى .. واليوم
نويت الحق على الباقي من أيامي !
حاصل على ترخيص من وزارة الثقافه والاعلام السعودي
رد: رِآسسيُ يبيلڪْ برِ رِ رِ جٍ ¬» Eiffel تطـوِ وِ وِ لـــَـَـَـَــہۧ © مدونتي الخاصه
العرض الشجري