عيدكم مبارك

اللي وقع ياعبيد من وسط عيني
ما عاد له في داخل الصدر مقعاد
مالي ومال .. اللي يسره ونيني
حتى لو اني .. طول الأيام معتاد
سكّرت من دونه منافذ سنيني
ويممت وجهي للخلا عنّهم غاد
ابغى الفرح عساه يقوى يجيني
ويصير بيني وبينه الملح والزاد
باحكي له اللي دافنه في كنيني
وفي غربتي مابين صادر وورّاد
كم ليلة ٍ و القلب يطحن غبيني
تكوّمت في وسطه آلاف الأضداد
شي ٍ يسار .. وشي ٍ أقشر يميني
وانا على طعنات الأحباب جحّاد