محمد بن عبيد عقب الكريمين

قصيدة من الشاعر/ سالم بن عتقاء الحنيني الحربي موجهه للشيـــخ / محمد عبيد بن عقيل بن عجوين الرشيدي

[poem=font="simplified arabic,5,black,bold,normal" bkcolor="transparent" bkimage="backgrounds/17.gif" border="solid,6,darkred" type=1 line=0 align=center use=ex num="0,black""]
ياهل الجيب منين ( لا) وين ماشين = خوذو رسالة من الحنيني خفيفه
خفيفةٍ تقيلةٍ بالعناوين = تحمل تراحيب الرشيدي بضيفة
محمد بن عبيد عقب الكريمين = امجادهم موجودةٍ بالصحيفة
بني رشيد اللي العسر واللين = أهل المكارم والنفوس العفيفة
خاويتهم ياحمود وقاصرتهم سنين = وعن جارهم ماعاد تخفى الطريفة
ويوم القبايل فعلها بالميادين = كم فرقوا من غاليٍ عن وليفه
يتلون شيخاً ماضي له براهين = ادليم ابن براك مروي الرهيفه
ادليم ابن قاسم صعوط المجانين = كم انقطع من ساقته من عسيفه
تشهد على ماقلت هاك الضلاعين = والروض يشهد والقهد والحليفه
قلته ونا من حرب سقم المعادين = أهلالسلوم الطيبه والشريفه
حلوين للصاحب ولضد مرين = وخوينا يقوم ويرقد بكيفه
اللي يعطينا مد نعطيه صاعين = ورد السلف مطلوب ياخو مريفه
وجميع قبايل نجد ماهم بسيطين = يوم (ن) كل ٍ ينتخي في منيفه
واليوم بحكم السعود السلاطين = نحكم بشرع الله وكتابه وسيفه
نجد أمنا وأبونا خادم الحرمين = والرب واحد والعقيدة نظيفه
دون الوطن والدين بالروح فادين = ولايهمنا أهل العقول الضعيفه[/poem]

الشاعر / سالم بن عتقاء الحنيني الحربي