قصيدة في شيخ شمل قبيلة بني رشيد عبدالرحمن بن براك

بسم الله الرحمن الرحيم

السلام عليكم ورحمه الله وبركاته ................ وبعد

أخواني اعضاء وزوار موقع الشاعر غازي البراك أقدم لكم قصيده

الشيخ الشاعر / مصيلح صلحان بن بدوي

بمناسبه زيارة شيخ شمل قبيله بني رشيد /عبدالرحمن بن مطني بن براك لمركز المرموثه في أبنات بمنطقه القصيم
بدعوه من شيخ شمل قبيله المظابره /صلحان فلاح بن بدوي

عند شيخ العشيره مرحبا ياهلا به **ياهلا مرحبا في شيخ كل القبيله

مرحبا بك وصحبك ياهلا مرحبابه **مرحبا بالجميع بكل نفس سهيله

حي من قدر الدعوه معنن ركابه **ماحدنه مسافات الديار الطويله

مرحبا عد هتان المطر من سحابه **وعد نبت الربيع اليا تروا مسيله

الزياره لها تقدير صله وقرابه ** ذكريات نسجلها بسجل الدليله

نور أبان كله واخضرت به شعابه **في قدوم الشيوخ محصين الجميله

التحيه نقدمها بشوق ورحابه ** وعود أزرق وبن وزعفران وهيله

في مقامك يطيب الشعر ذوق وكتابه **القوافي على مثلك ماهي مستحيله

شيخنا اللي جميع شيوخ نجد تهابه **هيبته للبعيد وللموالي حصيله

يازعيم سما بالمجد حظرت جنابه **الخصال الحميد كلها تنتمي له

فيك ساس الرجوله والكرم والحبابه **وللامور الصعيبه فيك بأس وحيله

يانجل شيخ يهدي الصعب والصعابه **ياسلايل شيوخ يكسبون الجزيله

من زبنهم دخيل ماتكدر شرابه **يأمن الخوف وتهون الحمول الثقيله

ذودهم كل قفر في شعيب رعابه * *مـن عرفـهم يقدرهم بنفس جليله

الوسيمه لها تقدير ولها مهابه * *البويضا تذل الــقوم مـــاهي ذلـــيله

فعلهم من قديم الوقت كلن درابه**يوم وقت المغازي فوق سرج الاصيله

كم عقيد غزاهم مهتنا في شبابه **من فعول الشباري والسيوف الصقيله

وان غزو محسبو للموت حسبة حسابه **الغزيه ضحا مــاهي هجاد بليله

كسبهم روس قوم يدركون الحرابه * فوق ظهرالاصيل وفوق بنت الكحيله

والغنايم تقل في وسط سوق الجلابه **مع ســيوف الشيوخ مولعين الفتيله

والقــبايل لــهم في كل وقفه تشابه ** كـل يوم لـهم بالفعل وقفــــه مـــهيله

لين ساد الامن في حكم نهج الصحابه **وستتب الامن والناس صارو قبيله

في حكم من حماها عن جميع العصابه ** وحد المملكه توحيد ماله مثيله

جعله بجنه الفردوس عال جنابه **ويحفض النا عياله ذخر عن كل ميله

واختم القول في ذكر النبي خير جابه **عد مالاح براق الحياء في المخيله

قصيده جزله جدا جدا
صح لسان الشيخ/مصيلح صلحان بن بدوي
ويستاهل شيخ شمل بني رشيد الشيخ ابن براك هذه القصيده الجزله
كما نشكرصاحب الحفل شيخ شمل المظابره/صحان بن بدوي
لاهنت أخي الهلالي على هذه المشاركهِِ

قصيده رائعه

صح لسان الشيخ/مصيلح صلحان بن بدوي
ويستاهل شيخ شمل بني رشيد الشيخ عبدالرحمن ابن براك هذه القصيده الجزله

كما نشكرصاحب الحفل شيخ شمل المظابره/صحان فلاح بن بدوي
بيض الله وجهك أخي الهلالي على هذه المشاركهِ الطيبهِ

صح السان الشيخ /صلحان ابن بدوي .

الممدوح كفو كفو يستاهل (((ابو طلال )))

لا هنت اخوي الهلالي على تنزيل القصيده.

يستاهل الطيب يابن بدوي ماقصرت

قصيده جزله جدا جدا
صح لسان الشيخ/مصيلح صلحان بن بدوي
ويستاهل شيخ شمل بني رشيد الشيخ ابن براك هذه القصيده الجزله
كما نشكرصاحب الحفل شيخ شمل المظابره/صحان بن بدوي
لاهنت أخي الهلالي