لاتحسبني ماحبك

بسم الله الرحمن الرحيم





،،،،،،،،،،،،،،،،،،







لاتحسب اني ما حبك يوم انا اصدي
احب حتى تراباً انت تمشـــــــــــيبه
****
كثر المشاغل ترى ماهيب في يدي
اساير الوقت والله عالماً غـــــــــيبه
****
جتك الصراحه مادام العلم به جدي
يقوله اللي يعدك من مكاســـــــــيبه
****
لابالله الوقت عود و انقلب ضدي
و الحزن يصبح على قلبي و يمسيبه
****
ماودي الناس تدري ويش في سدي
اصبرت لين الحشاء كثرت مشاهيبه
****
يالله عساها سحابة صيف و تعدي
وان كان قصده طلب نوفي مطاليبه
****
من يوم قفى و كفيني على خـــــــدي
لاوالله اللي فراقه عندي امصــــــيبه
****
طيفه يجي من دياره لين جاء حدي
و اقوم من مرقدي و اثري اهذريبه
****
من جاء يشيل الغداء قلت له متغدي
و من جاء يشيل العشاء صديت ماليبه
****
ابا اتحرى عســــــــــاه ايام و يردي
و الا على الصدفه المكتوب يدريبه




منقول

نقل اكثر من الرائع صح السان شاعره

سلمت يمناك ع النقل

يا الله عسساها سحابه صيف وتعدي__قصيده رو و و و عه صح السان شاعرها يعطيك العافيه بو سلطا ا ا ا ا ا ان

يعطيك العافيه على النقل المميز

تسلم اليد اللي انقلتها مير ابعرف من تهديها له