الله من قلب(ن) ذبحني وانا أنهيه

[poem=font="simplified arabic,7,black,bold,normal" bkcolor="transparent" bkimage="" border="double,8,green" type=2 line=0 align=center use=ex num="0,black""]

الله من قلب(ن) ذبحني وانا انهيه =ياكثر مابه من غرام(ن) دفيني

مادام شاريني فأنا دوم شاريه =والله مافارق خيالي وعيني

دايم يجيني في منامي واحييه =ماكن شين صار بينه وبيني

وانسى الفراق اللي حصل دون تنبيه =واضمها بصدري وهي تحتويني

وتقول نسيانك صعيبن ولاأبيه =يشهد علي الحب تشهد سنيني

واقول له وش فيه وش جاب طاريه =انتي حيت الروح يشهد حنيني

ولياصحيت أحس بالنار وأتيه =وافرك على فرقاه بالراحتيني

من لامني فيها عسى الرب يبليه =ويحس باللوعات ويحس فيني

مهما يطول الوقت ماني بناسيه =يبقى هواها بالضماير دفيني[/poem]

اخوكم = متعب الشعباني

صح السسانك متعب الله يلوم الي يلومك_

الشاعر متعب صح السانك على هذه الدرر والله يعطيك العافيه
تقبل تحياتي

صح السانك شاعر مبدع الى الامام

صح السانك يابو فايد

قصيدة رائعه

وانتبه من الصقر لايسرقها

لاني سمعت انه ياخذ قصايدك ويكتبها باسمه هههههه

تحيتييييييييييييييييييي

الشاعر متعب صح السانك على هذه الدرر والله يعطيك العافيه
تقبل تحياتي

صح لسانك قصيده رائعه

مبدع يامتعب

صح السانك يامتعب

القصيدة بعد تعديل الأخطاء الإملائيه

الله من قلب(ن) ذبحني وانا انهيـه

ياكثر مابه من غـرام(ن) دفينـي

مادام شارينـي فانـا دوم شاريـه

والله مافـارق خيالـي وعيـنـي

دايم يجيني فـي منامـي واحييـه

ماكن شيـ(ن) صـار بينـه وبينـي

وانسى الفراق اللي حصل دون تنبيه

واضمها بصدري وهـي تحتوينـي

وتقول نسيانـك صعيبـ (ن) ولاآبيـه

يشهد علي الحـب تشهـد سنينـي

واقول له وش فيه وش جاب طاريه

انتي حياة الـروح يشهـد حنينـي

ولياصحيت أحـس بالنـار وآتيـه

وافرك علـى فرقـاه بالراحتينـي

من لامني فيها عسى الرب يبليـه

ويحس باللوعـات ويحـس فينـي

مهما يطول الوقت مانـي بناسيـه

يبقـى هواهـا بالضمايـر دفينـي

اقتباس:
المشاركة الأصلية كتبت بواسطة مرووووقتها
صح السسانك متعب الله يلوم الي يلومك_


صح بدنك

شرفني واسعدني مرورك