عديت أنا بمشمرخات الجبالي=روس الهضاب اللي هذا عسر مرقاه
ذكرت بالمرقاب مما طرالي=وازن احروفه وحترص عن خطاياه
نبا الشراب او قصرن المدالي=ومما يثبت حجته ضاع معناه
رحنا جنوبن ثم رحنا شمالي=ولي ندور يافتى مالقيناه
وصلنا الأقصى ثم جينا الموالي=وكل على بيره امعين على ماه
وصديت يم اللي يشيل الثقالي=اللي يشيل الحمل للي تنصاه
ماينطح الحمل الثقيل الهزالي=الا هديب الشام مع كل منحاه
ابو فديغم ياكريم السبالي=راع البويضا يازبون المثناه
يالشيخ يبن الشيخ ساس الرجالي=ساس الرجال اللي لهم بالزحم جاه
انتم هل المعروف والصوت عالي=وصوتن بلى برهان تاقف مطاياه
ريف القصير اليا حدته الليالي=علم مثبت قدمنا مابدعناه
وان جالكم بين القبائل مجالي=كلمة نعم متوفره لو ذكرناه
اهل البويضا مرخصين الغوالي=يومن ذا طايح وهذاك ينخاه
تثنون عنده بالسيوف الصقالي=تبون معروفه وتبغون حسناه
وان جالهن عند الطريح اجتوالي=منيعكم دهم السرب ماتمهزاه
يقولها الحربي ولاهو امبالي=وكل تعابيره على قد ممشاه
امفصل ثوبي على قد حالي=ولي كتب باللوح الي ماتعداه
مما ايتحمل بين مر وحالي=لي وهو يبا الاول يبا ايفوته اسراه
وين البيوت اللي بجرد السهالي=اهل المعاني والرباع المذراه
مرحانهم تسفي عليها الرمالي=احلوم ليل اذكارهم عند طرياه
يالادمي فكر بوصف الهلالي=تراك مثله باول العمر وتلاه
تبا تجمع دقها والجالي=وانته عميلك مع طريقك تحراه
لو رحت مابين السماء والخيالي=ترجع على مايامر الله وتلقاه
هذي سنين معلنه بالرحالي=هذا تعشابه وهذا تغداه
تأكل حطبها ونارها بشتعالي=الله يكافئ شرها عند مبداه
يالله حسن الخاتمه والقبالي=عبد يدور المغفرة عند مولاه
على ولي العرش شد الحبالي=رب العباد اللي جزالن عطاياه
اللي علئ سبع السماوات عالي=غافر ذنوب العبد محصي خطاياه
صلوا على محمد بحسن اوعدالي=شفيع الامه يوم كشف المغطاه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
قصيده الشاعر/قلط زيد الحربي في :الشيخ /محمد بن ناهس بن براك
العرض العادي
