محاورة ثويمر العجوني ومسعد القصير الجهني

ثويمر العجوني
يامرحبا ترحيب من قلب ولسان = الأهلي والضيف يامرحبابه
هذأ القصير من طويلين الايمان= لاطب وسط السوق باع وشرابه



مسعد القصير
تبقون ياشجاعان وعيال فرسان= ولكم مبين الناس قدرومهابه
اثويمر يخطط لخاتم سليمان = لكن من دونه جيوش ورقابه



ثويمر العجوني
حلت مشاكل والعرب كانو اخوان= وتفرقت عرب كانت قرابه
حناوضعنا للبلاجيك نيشان= ويبين الرامي دقيق الاصابه



مسعد القصير
مدام نصر الله نكب شعب لبنان= بكره تراء خنذف تصبح شبابه
يالعجوني كب البنادق على شان = نمشي على نهج النبي والصحابه



ثويمر العجوني
ماهي غريبه عبس وعيال ذبيان = سوو على الغبراء وداحس حرابه
عزالله انه صار لشعر عنوان = ياحلو من مسعد مرد الاجابه




مسعد القصير
لاتخاف دام المال ترعاه رعيان= ياليت ابن وائل يريح ركابه
لكن حذرك تامن الذيب سرحان = الذيب ياكل في ضروسه ونابه




ثويمر العجوني
الخوف مامن خوف وقت امن ومان=وانته وبن وائل عزيزن جنابه
مافيه طير يطير من غير جنحان = والذيب مايخوفه صوت الذيابه




مسعد القصير
بحر الخليج اغراك لولو ومرجان = ياكم خليجي ساتراته ثيابه
وختامها صلو على نصل عدنان = على الرسول اللي مطهر كتابه

عاشت الشاعرالكبيرالصيرمي ثويمررائع في المحورات الشعريه(داخل ) الميدان وصح لسانه وشكرنايف على النقل

صح السان الشعراء وانت بيض الله وجهك

صح لسان الشاعر ثويمر العجوني والشاعر مسعد القصير الجهني
محاورة رائعة والف شكر لك نايف على النقل والتنسيق .