الله مـن قـلبٍ "تصـالق" همـومه
____ بين الأمل و معافر الناس واليـاس
فـي عـالمٍ قـامـت تـردى عـزومـه
____ وكن الكرامة في شواطـيه تنـداس
فيه السوالف شيقة ومْعدومه
____ لأنهـا.. تمشي عـلى حفّة السـاس
هبت عليه من الشوارد سمومه
____ واركت عليه من الصهارات بنحاس
لاباس ياللي من هواه محرومه
____ لاباس يامن تشـكي الضيم لاباس
سـج القـدم واتـرك غـديرٍ تـرومه
____ لو صـار ما لك فيـه مبدأ ولا ساس
جنب هل النمات واهل الخصومه
____ واهل الرزايا والخـيانه والادناس
قوم لهم في منهج الغدر حومه
____ ولايرتفع في حبهم واطـي الـراس
والنفس ماهي من زمانه شؤومه
____ لكن: فيه اشكال والوان واجناس
ناسٍ على سود المواقف جزومه
___ وناسٍ على بيض المواقيف نبراس
،،
جريح الغربة الشمري
حاصل على ترخيص من وزارة الثقافه والاعلام السعودي
نسناس
العرض العادي
