حبيتها ياناس

اشوف ساعاتي بقربك قصيره
مثل السحاب اللي عن الافق ينزاح
انسيتني اهلي وكل العشيره
مانيب عنك شارد الفكر نزاح
من السهر صارت عيوني ظريره
على وليف باهي الخد مزاح
له طلعتن مثل القمر مستديره
وله مبسمن يسبي المخاليق ذباح
وله نظرتن تطرد همومن كبيره
وله ظحكتن فيها مزامير وافراح
وله بسمتن تجبر قلوبن كسيره
وله قامتن فيها شذى المسك فواح
حبيتها ياناس طفله صغيره
واليوم شفت الشيب في مفرقي لاح

الشاعر
سميحان العلي السميحان
رحمه الله
رابط ديوانه رحمه الله
رياض الخزامى
http://selmaan.blogspot.com/?m=1

شكرلك على المشاركه وصح السان الشاعر

هذا منتدى المحاورة

ارحب محمد الهبله

المشاركة الأصلية كتبت بواسطة الاداره

ارحب محمد الهبله

البقا يا مرحب .. كانك غازي ترانا مبطين عنك وعن موقعك ..

ادع الأعضاء للعودة للمنتديات

اشتقنا لذيك الأيام وذيك السنين