المسيله

[[center]"]]بسم الله الرحمن الرحيم

السـلام عليكم ورحمة الله وبركاته ..



قصيدة مهداه لسيـد / دعيج بن يعقــوب العنــزي

صاحب مزرعة " المسيــلــه "



_ _ _ _ _ _ _ _ _ _ _ _ المســيلــه _ _ _ _ _ _ _ _ _ _ _ _ /center] ]

تبـارك الرحمـن حلـو المسيلـه

إسم ومسمى صح تـاج الزراعـه

أخـذت فيهـا جولتـن وتعليـلـه

عشت بجمال الكون في نصف ساعه

الـورد حولـي والنسايـم عليلـه

والزهر والريحان ينعـش ذعاعـه

ومن فوق هامات النخيـل الظليلـه

سلـم ومصعـد يعجبـك برتفاعـه

بالفعل ما شاء الله روعـه جميلـه

والمنظر الخلاب يضـوي شعاعـه

دامت بعـز دعيـج راع الفضيلـه

رجلن على العليا طويلـن ذراعـه

ساس الوفاء و المرجله من حصيله

حرن على الجزله سريـع اندفاعـه

دعيج بن يعقـوب فـارس قبيلـه

الوايلي نسـل الكـرم والشجاعـه

وافـي وطيـب والمواقـف جليلـه

قلبه حنون ومـا يحـب القطاعـه

وديوان عامر كـل طيـب يجيلـه
ل
أن الكرم والطيب خصلـة طباعـه







الشــاعـر / مصنت بن شري الرشيدي

[/]

مشكور

اخي مرزوق

على النقل

والله كان ودي امرك اسلم عليك

بس انشغلت

والشاعر مصنت بن شري

شاعر معروف

وجزل

وبيض الله وجهك على

كتابة هالقصيدة

تحيتييييييييييييييي

صح السان شاعرها ونعم في صاحب المسيله الله يبارك له فيها

وانت الله يعطيك العافيه

وعليكم السلام ورحمة الله وبركاته
صح لسان الشاعر / مصنت بن شري الرشيدي على هالقصيده الجزله
ودعيج بن يعقــوب العنــزي صاحب مزرعة المسيله يستاهل
و الله يبارك له فيها ومشكور اخي مرزوق الرشيدي
على النقل الرائع تقبل تحياتي

مشكورين على الرد الجميله

ولاهنتوا

صح السان شاعرها ونعم في صاحب المسيله الله يبارك له فيها

وانت الله يعطيك العافيه

مشكور

اخي مرزوق

على النقل