الامبراطـور
يامرحبا باسم المدينه واهلها من كل صوب 000 عند الرجال اهل المكان اللي عزيزن شانها
ياطيب ليلن جاب لي صياف من بد الحروب 000 اللي وزنها في يديه ولا شـرى ميزانهـا
صياف الحربي
الك البقا والطيب يوجد فالشمال وفالجنوب 000 والطيب من فعل الرجال اللي طوال ايمانها
حنا سرينا الليل كله كان ما هبت هبـوب 000 وان كان هبت قوم سج الخيل في ميدانها
الامبراطـور
الناس تجهل في بعضها ما ملكت سر الغيـوب 000 لكن طلوع الشمس من فوق العرب برهانهـا
ترى الوعد لك يالسحيمي فالوسيع من الدروب 000 لا لاح براق المـزون اللـي عـزل ربانهـا
صياف الحربي
يا كثر ناسن ما يعرفون الطلوع من الغروب 000 مثل السفينه فالبحـر يـوم انقلـب ربانهـا
ترى الدروب البيض بين الناس ما فيها عيوب 000 واهل العوايد لا تغمـض والكحـل فعيانهـا
الامبراطـور
ما دام عينك صاحيه مانته عن النور محجوب 000 اقرب من الصورة وتعرف شكلهـا والوانهـا
انته تصعبها وهي ياعـود مافيهـا صعـوب 000 كل الطيور مسطـره فالمسطـره جنحانهـا
صياف الحربي
خيل العرب ما عاد فيها لا نزول ولا ركوب 000 عشرين منها فاول الهجمه تجر ارسانهـا
الله يعينك قوم سو السالفه باحسن سلوب 000 واليا هداك الله تحط النون مثـل اخوانهـا
الامبراطـور
خيل العرب راحت بعد جوها كبيرين القلوب 000 اللي تدور دربهـا واللـي تجـر اعنانهـا
اللي مضى فالباخره مافيه للراكب ركـوب 000 واليوم لريـاح الهبايـب فتحـت بيبانهـا
صياف الحربي
ما يبلش البدوان غير الشيخ نفاخ الذروب 000 اللي ليا قرّب من الحيـه تمـد لسانهـا
الظاهر انك تطلع من الحفل مغفور الذنوب 000 هذا هدف من يرمي الحبه على طحانهـا
الامبراطـور
حنا ترانا ما نبيها يا بيض الشارب سحوب 000 الخزنه اللي دونها سلطان من سلطانهـا
حنا ذخرنا السيف ياصياف لا شبت شبوب 000 وام الكباير مالها الا السان مثل السانهـا
صياف الحربي
حنا نبيها في ردون الثوب ما تصل الجنوب 000 ياشين رمي البندق اللي منعفت نيشانهـا
انا تراني يابيض الشارب ما فتش فالجيوب 000 آخذ ماشاح ولاح والدنيا يا كثر الحانهـا
الامبراطـور
تبي تبين الشمس فوق الثلج لين انه يـذوب 000 تارد عليه الناس وتعبـي منـه صملانهـا
انا ادري انك يالسحيمي لا مهبول ولا كذوب 000 احرفتها براس العصا واضفت عليك اغصانها
صياف الحربي
تبا تبين الشمس مير الثلج الابيض دوب دوب 000 تـارد عليـه ام العيـال وقرقعـة قدحانهـا
حنا حسبنا المكسب المعروف والاصل محسوب 000 لو كان بعض الناس تدري كـان زاد جنانهـا
الامبراطـور
انت امتجهز للقشـر والا امتجهـز للهروب 000 نارن لها دخان بيـن ايديـك وش دخانهـا
ما راح شي من الجمال الا البعارين الذهوب 000 اللي تطب اوطان يابو زيد غيـر اوطانهـا
صياف الحربي
ما عندنا وحده من الثنتين يالشيخ النصوب 000 اليا دهنّا الروس والله ما يـروح ادهانهـا
ابليس حوّل في جهنّم مير عيـا لا يتـوب 000 ذلوله القشرا لك الله ما يمـس ابطانهـا
الإمبراطور
ان كان صرت بنص درب الناس يالقاضي نشوب 000 نصبر على اجحا ليـن ياخـذ حاجتـه ديانهـا
الهرج واجد والعرب ما بين غالـب ومغلـوب 000 مير المدينه يا سحيمـي كـم عـدد سحمانهـا
حاصل على ترخيص من وزارة الثقافه والاعلام السعودي
ثنيان الرشيدي- صياف الحربي
العرض العادي
