[quote=صالح سعود;52941]
قصيدة جديده اضعها بين يديكم وكلي امل ان تحوز على ارضائكم واعجابكم
البارحة مليت من كثر السهر = حتى السهر مليت منه البارحه
أكن شيء(ن) خافي (ن) وسط الصدر=بيني وبيني كل ساع أصارحه
مراجل النار أصبحت فيني جمر=ونفسي على الجمر المولع نايحه
تبكي من العبرة على العبرة قهر = لكن ما هلت دموع (ن ) سايحه
أدري ويدري والزمن مر وكدر = أنسامحه والا بعد ما أنسامحه
عارف وعابي للصعيبات الصبر=أصبر على قسو السنين الرايحه
دنيا تدورنا صباحا مع عصر = الجامعة هي والقطوع الطارحه
ما عاد باقي شي خافي ما ظهر=جتني علوم (ن) بالمواجع فايحه
بالمختصرماعاد ينفع مختصر=الخافيه صارت بمعنى الواضحه
عندي عن الموضوع تبيان وخبر=كذب العيون الكذب فيها شارحه
ادري واداري والبلى حكي البشر = كثر الحكي والناس صارت سارحه
اقولها واطولها واللي يدورها عثر = واللي يطارحها لزوم تطارحه
اشيل صعب حمولها على العلابي والظهر = اشتالها دون الرفاقة والصديق أسامحه
مثل النداوي لا اعتلى فوق وظهر=عن الطيور النادرات الجارحه
مع السماء يرقى سنود ويفتخر= وتبقى طيور الجو تحته طايحه
لا يابحر جاك المحيط وش تسوي يا بحر = كبرك صغير بعين غيرك والمشارب مالحه
على الطريق يمر واجد لكن الفرق الاثر = أنشد وتلقى العلم عند العارفه
******** type="text/**********">doPoem(0)***********6]
صالح بن سعود الفريدسي
أبو مهند
صح لسانك اخوي الشاعر/ صالح سعود الفريدسي ولكن
عندي ملاحظه على بعض الابيات في قصيدتك مثل البيت
(اقولها واطولها واللي يدورها عثر = واللي يطارحها لزوم تطارحه)
الافضل ان يكون كذاء
(اقولها واللي يدورها عثر = واللي يطارحها لزوم تطارحه)
بدون كلمة (واطولها)
ومثل هذاء الشطر
( اشيل صعب حمولها على العلابي والظهر)
مفروض يكون هاكذاء
(اشيل صعب حمولها فوق والظهر)
اضفت كلمات زائد مالها لزوم وتسببت في كسر الابيات
وكذلك الابيات التاليه تحتاج هندسة شاعر والشطر الاخير مختلف القافيه ( أنشد وتلقى العلم عند العارفه
مع السماء يرقى سنود ويفتخر= وتبقى طيور الجو تحته طايحه
لا يابحر جاك المحيط وش تسوي يا بحر = كبرك صغير بعين غيرك والمشارب مالحه
على الطريق يمر واجد لكن الفرق الاثر = أنشد وتلقى العلم عند العارفه
والله قصيده جميله جداً ومبتدها روعه
ارجو ان تقبل ملاحظتي بصدر رحب
حاصل على ترخيص من وزارة الثقافه والاعلام السعودي
رد: :: مليت من كثر السهر ::
العرض العادي
