تنسيق المحاوره الفاصله بين المهترش ووضاح اليمن

بسم الله الرحمن الرحيم
اليكم هذه المحاوره بعد التنسيق بين الشاعر وضاح اليمن والشاعرالمهترش :
وضاح :
سلام مني ياسلال عبس سمحين الوجيـه = ياهل الوفا وطيب مهما قيل فيكم مايقـال
حنا حضرنا للقا والطيب منكم محتريـه = سج القدم يالمهترش بالطيب لاتات الخمال

المهترش :

يامرحبا والطيب من يم اليمن مانرتجيه = الطيب ملك جدودنا يالي على راسك ضلال
الي مهو واثق بنفسه تفرغ اليله ايديه = عاداتكم ياصحابنا تسعون في قطع الوصال

وضاح :

ياقايد الفرسان خلـك تالـي ايامـك نبيـه = شوف المشاكل تصتلي يم الجنوب وبالشمال
وشبك تسرع بالمشاكل قول ليـه ليـه ليـه = هو طبع ولا قل عرف ارجوك ردلنا السوال

المهترش :

انا ماعندي مشكله والي مايخطي مبتليه = حنا لها ورحل عن الديره ترى مالك مجال
حنا مابعنا الطيب مثلك كل طيب نشتريه = هذى حقيقه بينه لا تقول نسج من الخيال

وضاح :

لون مابك مشكله ماقلت خصمي فيـه فيـه = لكـن تبعـد مابحشـاك الـيـوم لعـيـال الحلال
من مامشا درب القداء كل ٍ يبا يضحك عليه = انته امام العالم اللي يفهمـون المستحـال

المهترش :

حنا نعرفك زين ميقافك ماتقدر تحتميه = تثور الفتنه وتقصر عن مواقيف الرجال
الظاهر انك لو لقيت الصقر يمكن تشتويه = اعرف مقام الصقر بين الناس يامال الزوال

وضاح :

الله يظلم من ظلم من نجد ولا مـن هنيـه = الظلم ماتمشي به ارجال ٍ كريميـن السبـال
انت تعرفني لجل تظلم يالسفيه بن السفيـه = انهاك حول اسبوع لاتطا على الجرف الهيال

المهترش :

ياحول ياشاعر عدن تدلت الليله اذنيه = ماعاد باقي به عقل والعقل من رب الجلال
حنا مانجهل سيرتك وانت الكريه ابن الكريه = ماعاد الك عندي قدر قدرك مثل قدر النعال

وضاح :

ياعبـس شاعركـم دخلبـه جـن لكـن كتفـيـه = قدام لايصعـد وياقـع مـن علـى رؤس الجبـال
ماني بحالـك لـو تجاهـل سيـري وانـا نزيـه = انا يماني ماعرف حك القدور ولا الدلال هههههههه

المهترش :

ماعاد باقي في جيوبك لاريال ولا جنيه = لو ان وضعي مثل وضعك كان سجلت اعتزال
مسكين ينفى شغلته يالله يارب تهديه = خلك على شغلتك لاهي لا حرام ولا حلال

وضاح :

العام جينا للكويت وشفت فيها لك شبيـه = من فوق مرقابن عس يخطيه هتاف الخيال
معروف لونك تقلب من هذاك الى هذيـه = الوسم بين والبيوت اللي مثل نقد الريـال

المهترش :

الرجل يمكن معرفه ياهجوس صدري جامليه = مال الجزيله عند نا مهما حصل غير الجزال
راع الوفا مانخذثله من عبس ولا من بريه = وافي وكامل يابيض الشارب ولله الكمال

تقبلو تحياتي وتقديري : مشرف ميدان المحاوره والالغاز سعود العجوني

تحياتي وتقديري :لك يامشرف ميدان المحاوره والالغاز سعود العجوني
يعطيك العافية على تنسيق المحاورة

سعود العجوني مشكور على التنسيق والله لايهينك

محاوره جيده مشكور ياسعود على التنسيق

ميرسسسي الك عمووو
فيصل البراااك