عـذب القـصيد _ قصآئد مختاره _ ابيات رائعه _متجدد

يكفيني إنّك وَافِي وَ قلبَكْ بخير: ) ..
حَتى وَ لو مَا لِي نَصيب أنتواجه
مَا دمت فِيْ عِيني عَن إحْسَاسهُم غير
مَآ لِي مَع باَقي المَخَاليق ْ حَاجَة ..!

.. كتبـت فيـك الشـعـر يمـكـن تحسـيـن .. بـس الشعـر يـا بنـت ويـنـك وويـنـه ..


.. واليـوم مانـي لاعــن حـظـي الشـيـن .. ولانــي بقـايـل قـلـبـي الله يعـيـنـه ..

تدري وش اللي يقهرك كل ماجيت
لاشفت شخص(ن)دايماً منقهر منه

ياشينها فرقا تحدك على الموت
وياشينها موته من اسباب فرقا


الصدر ممحل ..وادري الحظ ممقوت
لكن بخآيل وارتجي نوض برقا


صدري يضيق من الحزن وانفجر صوت
كل مازعجته ..ردت النوح ورقا


موال حزني ..مو على لقمة القوت
لاوالذي حبٌب الى روق برقا


سبة (حكاية حب) مع .. توآم التوت
قفى ..وطاحت من على الخد زرقا


تكفى يازاجل ..دام مافادن سكوت
وصل كلام ٍ يطرق القلب طرقا


ان غاب عني ..طيب الذكر ..منحوت
غلاه في قلب ٍ كذا راح سرقا !!


قل له احبه ..وان حصل فاتن الفوت
بترك( شمالي) ناوي البعد (شرقا)


وقل له يازاجل ..ان نزف مني بيوت
من سبته ..لاسالت الطرس غرقا


بيني و بيني ..ولعت (نار جالوت)
ارقى ..واطيح ..واندب الحظ ..وارقا


ياشينها فرقا..تحدك على الموت
وياشينها موته من اسباب..فرقاااا

عزيزيالبرد : بخصوص الهوا القارس ؛
............ناوي تجمّد شرايين الغلا . . . مثَلاً !! ؟

ما يجلب احزاني ولا يشغـل الضيـم
غير الزمان اللي رضا لي بالاحـزان
في صفحه المااضي جروح الهوى غيم
تمطر على الذكرى توجـد وحرمـان
ذكراه تعزف وسـط قلبـي تقاسيـم
لحن الغرام اشعل مصابيح الاشجـان

يابنت ضميني من الصيف للصيـف



مليت من جـور السنيـن و صلفهـا



في ضمتك يابنـت مابـه تحاسيـف



على الـذي عـاف الحيـاة وقرفهـا



داوي عليل(ن) غربلتـه الصواديـف



كلن عجـز عـن علتـه ماكشفهـا



من غيرك الي خفف الجرح تخفيـف



شوفي جروحي ورتمي فـي طرفهـا



وليا شبكت إيديّ خلـف السراجيـف



برشف ثمان(ن) سعد منهو رشفهـا



من مبسمن كنه كما سلـة السيـف



وعيون من قلـب الحبـارى علفهـا



أنا اشهد انّه كيف يا مدور الكيـف



وصفة طبيب الروح يومه وصفهـا



لا يابعـد مـن يلبسـن النفانيـف



من شافك من البيض تلعـن جدفهـا



يا درة (ن) ماداج مثلـك ولا شيـف



يا مهرة (ن) ماغيري احداً عسفهـا



أنتي لحالك ثقـل باريـس وجنيـف



يلـي مكذبنـي رحلـهـا وشفـهـا



آيـه .. خرافـه مالهـا أي تصنـيـف



كلن علـى طـاري حلاهـا ولفهـا



لجيت أصفصف فكرة الوصف تصفيف



يطري علي بعـض الجمـل وأحرفهـا



من وين أببـدا فاالثمـان المراهيـف



فاعيونها في شعرهـا فـي شففهـا



في جيدهـا ولا الثنيـن المهاديـف



والا بعد في خصرهـا الـي ولفهـا



في وصفها مال التواصيف توصيـف



والوصف كلـه وصفـها مانصفهـا



لو شافها العاقل غدا خبـل وخفيـف



عنـي ليرمـي غترتـه ويحرفـهـا



لو شافها الي يلحف القرش تلحيـف



والله ليصرف ثروة (ن) ما صرفهـا



وش عاد مـن جـاته بليـا تكاليـف



غير الورود الـي لهـا قـد قطفهـا



من أولاً معها بروس المشـاريـف



واليـوم نفسـه قـد لحقهـا كلفهـا



يابنت قومي والزمن صلـف ومخيـف



جيتـك بغلطـات الزمـان أعترفهـا



صدرن ملاه الهم واليـاس والحيـف



عين (ن) بكت حلـمً تبيـه وكسفهـا



جيتـك أمد إلـك اليديـن النواحيـف



بسكن عيونـك والجفـون ألتحفهـا



هلي علي مـن الدمـوع الذواريـف



بالصـدر ونـه ليـت منهـو عزفهـا



تدرين ضميني من الصيـف للصيـف



مليت من جـور السنيـن وصلفهـا

.الله يوفق مثلك الله يخليه.



........................كانك نويت الصد والهجروياه
غالي ولك بالقلب شي ومخفيه
.......................اكبر من اللي بالضماير تهقواه
في غيبتك قلبي ترى الهم صاليه
......................واسهرت ليلي بين ونه وويلاه
البارحه طيفك مع الليل احاكيه
......................يشهد علي الليل والنجم يصغاه
فكرت ويا الليل مبدع قوافيه.
.................. ...مسحوب طرقي والقوافي تقفاه
والحزن فوق القلب والهم مقفيه
...................و ليلي غدا ليلين والصبر مقواه
اكتب شطروالشطر الاخر نجاريه
........................شاعر تحده والليالي توطاه
اجزل بيوت الشعر وحكم معانيه
......................ولا هزيل القاف واضح ثناياه
ياللي حرقت القلب من هو يطفيه
.....................النار نار ٍتتعب القلب واحشاه
يا مانسيت اللي من الناس نغليه
........................ولاعاد به شي ليا حل طرياه
استر عيوب الناس والطيب ابديه.
...................وش خانت اللي ماسترعيب رفقاه
امسٍ وقبل البارح القلب اهنيه.
......................امسي مع الفرحه وصبّح بفرحاه
في شوفتك افرح مع اللحن اغنيه
.........................وطيفك يسلي كل طرقٍ بمغناه
قلبي كثير اللي من الناس ترجيه
......................وانا الذي قلبك من الناس يرجاه
لاتحسب ان الصد صعبٍ تحديه
.......................ترى الزمن يشكي ومثلي تحداه
انشد وتلقى الليل تقصر مساريه
.................صدر الزمن يشكي من اقصاه ودناه
راحت هجوسك مبعده في هقاويه
.....................انشد جبال اطويق واللي ترقاه
تلقى زمانك قاصرات ٍ لياليه
.....................هذاالصحيح وتدمع العين فرقاه
وانت الذي لاضاق صدره نراضيه
...................نتعب على شانه على شان نرضاه
ولا انت تدري من زعل عيب اصافيه
.....................يادارس اطبوع المشاعر وتدراه
يا ما لقيتك تشكي الهم تشكيه
..................وجهك عبوسٍ تشكي الحظ برداه
ياللي خذيت القلب وشعادكم فيه
....................رده ترى قلب العنا وافي اشقاه
ارفق بقلب هالليالي تفاجيه
.........................يابو ثمانٍ مرهفاتٍ مصفاه
اناعشقت وعشقي محدٍ يظاهيه
................جيتك على الفطره وذ القلب يغشاه
احساس من قمة شعورٍ وطريه
...................عليك ياللي ناسي القلب تنساه
في كفي سيفٍ للعواذيل مرهيه
................وفي صدري درعٍ لسهوم المصلاه
ياقلبي الليله على وادي التيه
...................جريت ونه والف ونه من الأه
اسمع صدى صوت المعنا بتاليه
....................اضحك واقول الله يعين الذي تاه
والحق انا اللي تايهٍ في دواهيه
.......................مجراك نار تكوي القلب تكواه
باغيه قلبي والمشاعرتناديه
........................قلبي عشق قلبه مع الليل ناداه
يفداك منهويجمع اريال وجنيه
.........................يفداه وجه الطيب والعز يفداه
مثل البواخر لا رست في مراسيه
...................حبك رسا صبح ومسا ابك لمرساه
بين الظلوع الحدب حبه ابنيه
....................واكتب عليه من الغلا شي يزهاه
لكنّ كيف القلب هذا امتناسيه
...................ياصرح مدري جرح ياجرح ودواه
يمكن صواديف الليالي تحاديه.
...........................ولاّتغلا والغلا في مزاياه
لكنّ قلبي ماصبر ليل مشقيه.
.......................دنت هجوسي والبلا في محاتاه
همٍ على قلبي وهمٍ يباريه
...................... .ولا جروح القلب صعبه تبراه
البارحه قلبي من اللي يداويه
.......................ياكود وجهٍ يبري الجرح ملفاه
حامت شياطين الشعرمن بلاويه
...................وسرحت في عالم صعيبٍ بمسراه
هلّت دموع العين هلّت غواديه.
.....................على الذي قلبي من الناس بداه
اكتب حسين القاف وارجع ومحيه
.......................جف القلم حبره ولا نافعٍ ماه
شطرٍ نهليبه وشطرٍ نحييه
..................وشطرٍ على ماقيل ملعون مثواه
هذا حبيب ولا عليّه مشاريه
...................عشره قديمه والحكي توّمعناه
ترى الوفا والطيب حق ٍموّفيه
......................ترى الغلا والحب حق موّفاه
من باعني بعته وتقصر خطاويه
................مدعي عليه ادعي عسى الله يرعاه
لا ياندي العرض هذي تواصيه
.................ابوي انا اللي وافي الهرج بوصاه
وانا الذي من يشري القلب شاريه
.......................هذا محله قلبي واسعد بلقياه
اقلّطه في صدر قلبي وهلّيه
..................ارحب هلا واهلاٍ وننحر له الشاه
ونقدّم الفنجال والهيل حاليه
...................اشقر مقره من ورى الهند مجناه
يعني انتهى المشوار لاباس ياهيه
.................خمسين بيتٍ شاعر الجن سواه
وخمسين بيتٍ تقفي اللي مسويه
..............مسرج خيول الجن واهجيك بحكاه
من قدّم الطيبه نرفّع معاليه.
..................ومن قدّم السيّه مع الدرب دسناه
ادعيك من قلبي وانا الغيرمدعيه
.................مشتاق انا والشوق وشلون ابنهاه
في داخلي حربٍ من الشوق مذيه
..................والصبر طعمه مر وكيف اتحلواه
من لايعرف الحرلاشك يشويه
.............اخطيت في حقي وانا ارجيك رجواه
انا الذي منهو رقافوق اوطيه
........................عليك ياللي كل رجمٍ تعلاه
لا تحسب اني بسهر الليل مقضيه
...................جاتك مثايل وفهم القول وقراه
قبل امس احبه وفتخر في تلاقيه
.................واليوم هذا مثل يصرّح كرهناه
الخط الاحمر ليه نفسك تعديه
.....................قد قلت الك ومحذّرك لاتعداه
رادي ومثلي لاحشى ما ترديه.
..................درب الردى لارحم من هوتمشاه
كان الغدر ميزه وتفخر بتاليه
......................الله يعينك تالي الوقت عزاه
تصبح مابين الناس محدٍ يدانيه
.................قبلك صفق يمناه في كف يسراه
الرادي اللي يمشي محدٍ يراعيه
...................هذي حياتك باخرالوقت وتلاه
ياللي تقول الحب وافي ومرخيه.
.................حبل الوفا تقصره وشلون ترخاه
الحر لامن فز يكفخ جناحيه
..................انا عزيز النفس واللي ورثناه
المرجله والطيب لازم نقديه
....................ماني شحيحٍ تايه ارداه برداه
واليوم ياوجهٍ بدا فيه وشفيه
.....................الاّ عرفت القلب هذا ومرضاه
لا يالذي قلبك من الغدر تحشيه
....................هذا وانامهجيه وذكر حلاياه
.لكن علي الله ماعاد انا ارجيه
....................في رجعته همٍ ولا عاد نبغاه
فيه البقا واللي حلاته نعزيه
......................اقولها من بعد هذا عرفناه
يرثيه وقت الحب والحال ترثيه
....................كم واحدٍ قبلك ترانا رثيناه
هذاك غالي والله اللي متوفيه
..............ولاانت لا مثله ولا وجيت شرواه
يشهد له التاريخ حضروبواديه
.............يرحمك ياللي وافي الطيب والجاه
ونتي بديتي بالغدر من مواريه.
...............عمر الغدر شاين ولو زان مرباه
درب العنا ياللي نويتي مساعيه.
...................خايب وظنك ضايع ابكل مسعاه
فيك الغدروافي على كل اراضيه
.................ثوب الغدر ما والله يومٍ لبسناه
بأسم من انزل محمد وحاميه
....................الواحد القهار ربٍ عبدناه
ماني على صدك ترى القلب اعنيه.
................وشعاد يعني لو مثلك هجرناه
القلب يسلا مع هل الطيب اسليه
..............عندك خبر كلٍ على كيف مشهاه
اقفت ليال الحب واقفت لياليه
..............والشوق روّح لاترجى وتنصاه
اطغيت حتى القلب بالغدرمعميه
..............الصبح لك قلبٍ مع الحب يهواه
والليل لك قلبٍ من الغدرماليه
.............كنت الامل والنفس مثلك تحراه
ماني صغير السن مثلك يخطيه
..............اخطيت ياللي كل شيٍ تخطاه
اللي رقا للخير ربي يجازيه
..............جعله بخير وراعي الطيب حياه
واللي يحب الشر من هويخاويه
...............ياكود مثل الطبع لاشك خاواه
العقل راس المال وشلون اقديه
.............في ذكر ربٍ عالي الناس تخشاه
جفت عروق القلب جفت خباريه
...............لاتحسب ان الحر مثلي تشواه
حرٍ وفي وصفه طوالٍ مواميه
...............انا عريب الجد ياضايع اجداه
اخطيت في قلبي على الكيف مهديه
.............انا اشهد اني ظالم القلب وسقاه
اسقاه من ظيم الليالي ومسقيه
..................همٍ وكل همٍ موفّي زواياه
الصدر لا من ضاق بالقاف اواسيه.
..............شاعر وومّر كل شطرٍ كتبناه
اكتب حروف الشعر من كيف يووفيه
..............والشعر وهبه والعفو ماشريناه
وغيري كثير الناس لشعرتنخيه
............الناس واجد ياهل العرف تنخاه
لامن كتب بيتٍ تعزوابعزاويه
...............مسكين ياللي كل شطرٍ تبناه
وانا احمد الله كل شطرٍموازيه
...............لاطاح شطرٍ قام خيّه توازاه
العقل وافي واحمدلله مكسيه
............بالطيب والمعروف حنا كسيناه
حاضر بحاضر ياهل الحسداسويه
..........والموت حقٍ يحصد العمر يفناه
متين شطرٍ وافي العرف محصيه
.........ساعه وثلث الطرق حنا بدعناه
وختم قصيدي عد ماهب ذاريه

.........على النبي اللي طريقه مشيناه

توّك صغيره وابتديتي تحبين
من علّمك ليل السهر ياصغيره ؟

بدري عليك العشق يابنت هاللحين
حرام هذا القلب وشهو مصيره ؟

انتي بريئه في الهوا ليه تشقين ؟
دروبه طوال ٍ عليك وعسيره

رحتي بدرب ٍ ماله اصلا ً عناوين
وانتي مشاويرك من اول قصيره

ياطفلة ٍ حبّت وراحت على وين ؟
عقب الهنا ذقتي الحياه المريره

وينك ووين الحب والشوق والبين ؟
عنّيتي عيونك وصرتي سهيره

امحق تسلّي كان ودّك تسلّين
الورد لولا اللّون وشهو عبيره ؟

خلّيتي دروسك وصرتي تحاتين
الدرس في ديره وصرتي بديره

وصرتي بعد من غير هذا تغارين

والمشكله يابنت منتي خبيره

نصيحتي لك كان ودّك تردين
يم السعاده والحياه المثيره

خلّك بجو العايله لا تعدّين
ماما وبابا والعجوز الظريره

شيبانك اللّي مايبونك تعانين
من بينهم عشتي كأنـّـك أميره

الحب قبلك هز ناس ٍ كثيرين
وخلاّ القلوب تعيش هم ٍ وحيره


الحب يفضح لا انكشف داخل العين
وانتي بنفــّسك ماهقيتك بصيره

طيعي كلامي واحذري لا تمادين
تراجعي لاعل في الأمر خيره

عيشي الطفوله والبراءه لك سنين
وبعدين حبّي لا غديتي كبيره

وين أنت قبل اللي مضى من سنيني
يا مسعد ٍ باقي حياتي بالأفراح..!