الحزن ماله بعض الاحيان , تفسير
. . . . . . حتى ولو يترك بوجهك .. علامه
يلي تعبت .. امن الجفا و المعاذير !
. . . . . . مثلك كبيــره طيحته , و انهزامه !
هذا انت تقطع للطموح .. المشاوير
. . . . . . وتـذّب هامه ثم تطمح .. لـ/هامه
لا تقول حزنك غير , قل طيحتك غير !
. . . . . . واكسر خضوعك .. بالصبر و إبتسامه !
واليا ظميت , وما بقا للصبر .. بيـر !
. . . . . . إرسم على حد الرجاوي .. غمامه !
بتشوف في رمضى زمانك , تباشير
. . . . . . وبتطير من غصن الأماني .. حمامه
عيش ا/متفائل و اعرف ان ربك كبير
. . . . . . ما ظـام منهـو , جاير الوقت .. ظامه
على الأقل , صبرك على الحزن تكفير !
. . . . . . عن ذنب معمي , عين قلبك ظلامه !
وكذاب قايل .. دنيَتك ما بها خير !
. . . . . . { لله حكمه , في تصرف أنامه }
عشنا بذي الدنيا , و نبقا مسايير !
. . . . . . وكل ٍ بيحصد , مازرع من أثـامه !
و عمر البنادم , حتى لو يبطي قصير
. . . . . . و يعيش له ذكره .. و تدفـنْه خامه !
و أنا .. ولو كثِرت علّي المخاسير
. . . . . . يكفي ضميري , ما خسرت إحترامه !
ومدري وش إلّي صار , أو ويش بيصير !
. . . . . . تــايه , على حـد الأمل .. و إنعدامه
تصدق لي الدمعه , ليا خان تعبير
. . . . . . و إليا تباطا , جفن عيني .. منامه !
ويضيع بالي .. بين سجّه و تفكير
. . . . . . ولا كسبت .. إلا التعب , و إهتمامه
ويلعب بي الغربي , ليا ذعذع عصير
. . . . . . و أفقد خفوقي .. لا سرابه هيامه !
ياوين ابلقا .. يـ/ آخر الصد تبرير !
. . . . . . للي ترك , في خد الأيـام .. شامه !
اقفا و قصّر بي .. ولا جاه تقصير
. . . . . . وشلون حتى .. باخل ٍ بي سلامه !
لاشك , يبقا له معـزّه و تقديـر
. . . . . . و ما زال , ذا قدره .. و هذا مقامه
و يا صاحبي , لو إخذلـتـْك المقادير
. . . . . . لا تنكســر , لو كان .. مابه سلامه
شفني خسرت كثير و كثير و كثير !
. . . . . . ومازلت أعيش .. و راس مالي كرامه !
حاصل على ترخيص من وزارة الثقافه والاعلام السعودي
رد: ان عشت ياراسي كسيتك عمامه"وان مت ياراسي فدتك العمايم [وليد البراك]
العرض العادي
