الى الازرق ورفاقه

الى جميع الاخوه--
السلام عليكم --اخواني المحاورة انتهت وما قصر الشعار والله يعطيهم العافيه --الرجاء الانتهاء عند ذلك وينهى جميع الردود والتعليقات الغير لائقه --سيتم مراقبة الموضوع واي رد غير لائق سيتم حذفه --شكرا لتعاونكم والموقع للجميع والجميع اخوة والسلام

الي المستشار القدير ابو عبدالمجيد كلامك صحيح

ولاكن نرجو ان تتم كتابت بيوت الأزرق بشكل الصحيح ولك جزيل اشكر

الله يعطيك العافيه يابو عبدلمجيد واتمنى تعديل بيوت الازرق بالشكل الصحيح

كما هي بالمحاوره وتنسيق المحاوره التي سبقتها

ياسعود صارت مشكله عند ثنتين

ولكم جزيل الشكر

بسم الله الرحمن الرحيم
انا الحقيقه عندي وجهة نظر بالمحاوره وفي ابياتها واجتهدت خلال الايام اللي طافت في بحث خفايا هذه المحاوره حتى الجمهور الكلريم يكون عنده مفاتيح اقل شي لفك الغاز هذا الطاروق
لكن قبل كل شي المحاوره هذي كانت قبلها احداث وحرب اعلاميه فلانستغرب بدايتها القويه بين الشاعرين توكلنا على الله

سعود العجوني:


شلة الازرق الليله عليها النقا مردودي == ضاق صدرالحكيم ولا لكم عندنا غفراني

صار حاتم اقراد براس ذيل البعير الجودي == وان بغينا نسوق شعيل عيا رفيع الشاني

هنا بداء الشاعر سعود العجوني بالهجوم العنيف على الازرق ورفاقه وكانت بدايه قويه في البيت الاول لكن هناك امر يعاب عليى الشاعر سعود وهو قوله ضاق صدر الحكيم هو سقصد ضاق صدر الحكيم من افعالكم لكن ذكرها بالمحاوره فتكون مشكله اذا ضاق صدر الشاعر من خصمه واعترافه له وقد يستغلها الشاعر المقابل لانها غايته
البيت الثاني بيت اقشر من الشاعر سعود حيث حط حاتم قراد ووضعه في اقشر مكتن في راس الذيل وقال انه اذا اراد ان يسوق الازرق اللي هو شعيل عيا حاتم رفيع الشاني يعني اللي مرتفع فوق الذيل

الازرق:

هيه يالشله اللى ودها الليله ابمنقودى=ليه صدرك يضيق وعندكم حنطة النجرانى

لاتلفت ترىراسك يجى من ورى عنقودى=مير هات المعانى والمطر ضافىودانى

هنا رد الازرق على البيت الاول ويبدو انه شك بكلمة الشله فردها لسعود وعاتبه على ضيقة صدره واعطاه العلاج اللي هو حنطة النجراني ويعلم الله واحقاق للحق مادري ماذا يقصد حاتم بحنطة النجراني لكن من وجهة نظري ارى ان الرد كان متوسط
بالنسبه للبيت الثاني بيت كارثي من الازرق حيث سعود حط حاتم براس الذيل فقال الازرق لاتلفت ياسعود وانت راسك من ورى تمنيت لوقال امام اوقدام حتى يتضح المعنى اكثر عنقودي والعنقود هذا ينزل منه الماء على راس سعود هذا اقرب احتمال وهناك احتمال اخر ارى انه بعيد واعذروني عن الادلاء به

سعود العجوني:

انت من غابة ذيابه ودايم تحب الزودي == كان قل العشاعليك ماقلتلك سرحاني ==

داعب هجوس شعرك يوم هبت هبوب النودي== والله اني ماجيت الا ارجمك مثل رجم الزاني

لازال الهجوم عنيف من الشاعر سعود وفيه لغم من غابه في البيت الاول واتهام خطير من سعود للازرق

البيت الثاني تهديد من سعود للازرق عنيف وانه سوف يرجمه كما يرجم الزاني
بيوت قويه جدا ولكن يعاب عليها انها كلها فتل وليست نقض
فسعود لم ينقض سبب ضيقة صدره ولاحنطة النجراني ولاحتى بيت حاتم الثاني

الازرق:

انت وش بك مع العربان تمشى تقل محسودى=وش يصيبك بتالى الليل تاكل بعيد ودانى

ليه ياسعود تبغا تضيع الحق وانته فودى =والمعانى تبى تبقى لو تمرهاالازمانى

هنا رد الازرق فيبدو ان الازرق خاف من ان سعود يتهمه انه حيوان قال انت وش بك مع العربان تمشي تقل محسودي ومااغفل لغم من غابه حيث قال انت وش يصيبك بتالي الليل تاكل بعيد وداني انا اشوف انه رد موفق وفتح الازرق الباب على مصراعيه ولم يتعداه اللغم

البيت الثاني بيت كارثي ايضا من الازرق حيث سعود يقول ابرجمك رجم الزاني
شوف خطورة هالرد بعدة امور
1_ ليش تريد تضيع الحقيقه وترجمني وانت اللي تاتي منك الفايده فودي
2_ اذا انا استحق الرجم انت ماذا تستحق
ايضا قال ان الكلام اللي قلت والمعاني هذي سوف تبقى شاهد عليك على طول الزمن ياسعود

سعود العجوني:


اتضحلي سماك الصافي الي مافيه ارعودي == رحت فيها يالازرق صرت من حسبت الهطلاني

راحت الاوله والثانيه حدك المحدودي == بس دافع مع اصحابك ولا اقولك غلطاني

الشاعر سعود لايزال يواصل الهجوم العنيف باختصار معنى البيت الاول انه اتضحلي انك من شاعر

البيت الثاني سعود يقول سعود راح عليك اللغم اللي هو من غابه وحط لغم ثاني اللي هو بس دافع

الازرق:


انت ماانته خضر يمكن شبيهن للون العودى=مشبهانى عساالله يكفى الشر يالنصراني

راحت الاوله والثانيه ماقربت اجدودى=مير جعل السلامه دربك وتاكل الميزاني

هنا رد الزرق وباختصار رده قال انت ياسعود مستشعر شبيهن بلون العودي رد لاباس فيه مع تحفضي على الشطر الثاني

البيت الثاني هنا يقول لا هي اللي راحت عليك ياسعود الازرق هناهو يقصد فودي ويهدد بالشطر الثاني قال تاكل الميزاني
انا احترت بهالجمله على العموم لغم سعود بس دافع والبيت الثاني للازرق غريب فهل تعدى اللغم اولم يتعدى اترك الحكم للجمهور
سعود العجوني:
الله اللي حذفك وجيت في يومك الماعودي == وانتهة مرجلتك ومرجلت ربعك الشجعاني

الله انه يبيحك يارفيقة محمد دودي == من كثر مايحط ابطنها بطنها ملياني
لازال سعود يهاجم والبيت الاول واضح
البيت الثاني اقشر فوصفه بوصف اقشر وقال ان بطنك مليان بيوت قويه متماسكه

الازرق:
يالشواعير كل البيض مايشبهن السودى=صرت تبكى هواك اللى مضى مابعد بكانى

هيه ياراعى القصه ترى مالقيت الزودى= واللحون القديمه كلها سجنت بزنادي

في البيت الاول وهذا رد على اخوي حاتم اذاكان الازرق يقصد اش ياعير صح ان المعنى كامل يمشي على هالكلمه الا ان فيها تكلف جدا ولو كنت في مكان الشاعر سعود مارديت عليها لان فيها تكلف الشطر الثاني انت تبكي على اللي فات وانا مستانس ومرتاح

سعود قال رفيقة محمد دودي من كثر مايحط ببطنها ملياني
ورد الازرق هيه ياراعي القصه رد جيد واعتذر عن اكمال باقي البيت لانه غريب وايضا ابدي تحقضي على هالبيت
سعود العجوني:

القراده ماتمرح غير فى شوشة المقرودى == علمونا وش اللى عندكم ياوجيه الظانى
اللغة مشكلة عجزة لافهم كلام هنودى == يبلش السارى اللى لاسرى يقودله عميانى

البيت الاول واضح بيت هجومي

البيت الثاني سعود هنا يقول انت وش قاعد تقول فيه نوع من الاستهزاء واستهزاء باللي معه انهم عميان

الازرق:

انت ياراعى اللوحه تبى تعدد المعدودى=ميرقول الحقيقه وترك الزور والبهتانى
كان معك الدلع روحبها واترك المجحودى=تصبح ابخير وانته فارس العمى والصقهانى
بيت هنا يقول الازرق اترك الزور واعترف بالهزيمه
وانا شاك ان البيت هذا ماهو طيب خصوصا الشطر الاول راعي اللوحه وتعدد المعدودي
البيت الثاني بيت كارثي سعود مارد على راعي القصه واستهزاء بالازرق
والقصه نوعين القصه يعني الحكايه والثانيه يعني الشعر فالبيت له احتمالين
قال الازرق كان معك الدلع يعني راعي القصه روح فيها يعني اشتلها وروح ولاتجحدها لانها اثبتت عليك
وتصبح بخير وانت فارس العمي والصقهاني
يعني انت فارس عند ناس لاتشوف فعلك ولاتسمعه
نقض قوي مع فتل بقمة الروعه

سعود العجوني:
مالقى الذيب فى راس الجبل غير ست قرودى == قال مافية مشكل لو غدت بالجبل ورعانى

والله انى محول عنكم اشدادىالمشدودى == لين الازرق يبدل سية السوء باالاحساني
هنا قال سعود مالقيت احد ولاعندك احد والبيت ايضا اقشر قال مافيه مشكل لو غدت بالجبل ورعاني

البيت الثاني قال والله اني ماترككم لين ادبكم واخليكم تصلحون نياتكم

في النهايه المحاوره كانت قويه لان شاعريها قويين وشهدت حضور جماهيري كبير لانهم يستحقون ذلك
على العموم هذي تبقى وجهة نظري والمعنى في بطن الشاعر قد اكون مخطي اومصيب اومخطي ببعض ومصيب ببعض
تقبلوا كلامي بصدر رحب
اخوكم ذيب الفيافي

صح السان الشاعرين القديرين سعود العجوني .. و الشاعر الازرق

محاورة جيدة ولها جمهورها الغفير صراحة ممتعة جدا جدا

تقبلو مروري واعجابي .

المصارعه الحره هذي متى صارت ليتني موجود وقتها عشان اشجع على العموم محاوره قويه مع تحفضي على بعض الابيات اللي حللها ذيب الفيافي واشكره على هالجهد الجبار يحلل بيت بيت ماشاء الله عليه ولاحد يسالني عن الابيات انا شاعر ورائي حر فيه بس الحقيقه كلهم شعار اقوياء وسعود ارى ان بيوتها جزله والازرق ايضا بيوته قويه لكن قد يكون فارق السن له دور خصوصا في تركيبة البيت فقد يكون البيت رده مناسب لكن سماكة البيت ماهي اللي انت تبي على العموم شعار مافيهم حيله