البارحه ونيت من زود مابي=ونة كسير مالقى من يشيله
ياهم تكفى ل تزود عذابي=ريح خفوق ٍ مات سبت خليله
شفني اصيح الليل ماحد ٍ درابي=ماغير ربي ارتجي واشتكي له
راحت حياتي بين مخـلب ونابي=كل الملا صارت يديهم طويله
متعلق ٍ مابين السماء والسحابي=ومدفون حي تحت اراضي عليله
لاني الـلي عشت تحت الترابي =ولاني لهمي قمت ادور بديله
عجزت اميز بين خطاي وصوابي=وتعبت اشوف التعب وارجع واشيله
كل مافتحت الباب ينسد بابي=وكل درب ٍ امشيه اضيع دليله
حتى حظوري اشتبه مع غيابي=وحتى نهاري استوى مثل ليـله
ياويل حالي كان حظي غدابي=عزيل دمعي كان ماجف سيله
وياموت تكفى لايطول شبابي=ريحني دام الموت اسهل وسيله
ويالله يامنزل علـينا الكتابي=اشف الجروح الخافيه والعـليله
وان ماشفيت الجرح خذ مابقابي=والله احس الموت احسن وسيله
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض العادي
