اقتباس:
المشاركة الأصلية كتبت بواسطة حمد بن علي
سلام من راعي المعنى لراع الجواب=رديت(ن) توجد الجزلات بركونها
عندي سؤال عساك تجيب حله صواب=وش بنت(ن) هل الرمعه مايلقونها
تمسي وتصبح مع الهجن الاصيل الركاب=اصيلت(ن) بينت للناس مضمونها
لها خوي(ن) مهو شايب ولا هو شباب=مثل ماقالوا ترى فن(ن) من فنونها
ولك التحية يابن مظهور عد السحاب=وعداد فرض الصلاة اللي يصلونها
وان كان حليتها .. فسر معان الخطاب=هي وشي البنت قلي وش يسمونها
وان كان ماصبتها اعلن قرار انسحاب= لكن اخبرك .. ترى الوقفات ماتخونها
******** type="text/**********">doPoem(0)***********
تحياتي لك ياابو علي .. انت والأخوان الأعزاء
واهديك الأبيات التاليه .. وارجو ان اكون قد وفقت بالحل
واذا لم يكن حلي صحيح .. فاأنا اعلن الإنسحاب !!!
يامرحبا بالعزيز الي بعث لي كتاب = برسالة(ن) كل خلق الله يشوفونها
اذعن لها الفكر كله .. والهجوس استجاب = وسار القلم يكتب الجزلات لعيونها
فيها سؤال(ن) موجه من عزيز الجناب = عن .. بنت معها خوي .. تحميه ويصونها
سألتني .. ياحمــــــــد .. وابشر سؤالك مجاب = واجابتي .. مايطيح الصح من دونها
هذي هي .. ( الكفه ) .. الي يوم قل الزهاب = والناس من فعل اهاليها يهابونها
وسم(ن) نزيه .. وعلامة يُمنع الإقتراب = خطر على الي يحاول كسر قانونها
وتبقى .. وتفنى .. وهي كفة نسب .. وانتساب = تبقى ولو حاول العدوان يمحونها
لأنها شامخه مثل شموخ الهضاب = ومن دونها رجال طول الوقت يحمونها
هذا هو الحل .. واستأذنك حان الذهاب = ابتركه في رساله عند مأمونها
كتبتها شعر .. واعلنت اكتمال النصاب = واطلب من الربع لاجوها يزكونها !!!
******** type="text/**********">doPoem(0)***********
وتقبلوا جميعاً تحياتي وتقديري واحترامي
حاصل على ترخيص من وزارة الثقافه والاعلام السعودي
رد: ولك التحية يابن مظهور عد السحاب
العرض العادي
