:: مليت من كثر السهر ::

قصيدة جديده اضعها بين يديكم وكلي امل ان تحوز على ارضائكم واعجابكم

[poem=font="simplified arabic,6,black,bold,normal" bkcolor="transparent" bkimage="backgrounds/24.gif" border="double,6,gray" type=1 line=0 align=center use=ex num="0,black""]
البارحة مليت من كثر السهر = حتى السهر مليت منه البارحه
أكن شيء(ن) خافي (ن) وسط الصدر=بيني وبيني كل ساع أصارحه
مراجل النار أصبحت فيني جمر=ونفسي على الجمر المولع نايحه
تبكي من العبرة على العبرة قهر = لكن ما هلت دموع (ن ) سايحه
أدري ويدري والزمن مر وكدر = أنسامحه والا بعد ما أنسامحه
عارف وعابي للصعيبات الصبر=أصبر على قسو السنين الرايحه
دنيا تدورنا صباحا مع عصر = الجامعة هي والقطوع الطارحه
ما عاد باقي شي خافي ما ظهر=جتني علوم (ن) بالمواجع فايحه
بالمختصرماعاد ينفع مختصر=الخافيه صارت بمعنى الواضحه
عندي عن الموضوع تبيان وخبر=كذب العيون الكذب فيها شارحه
ادري واداري والبلى حكي البشر = كثر الحكي والناس صارت سارحه
اقولها واطولها واللي يدورها عثر = واللي يطارحها لزوم تطارحه
اشيل صعب حمولها على العلابي والظهر = اشتالها دون الرفاقة والصديق أسامحه
مثل النداوي لا اعتلى فوق وظهر=عن الطيور النادرات الجارحه
مع السماء يرقى سنود ويفتخر= وتبقى طيور الجو تحته طايحه
لا يابحر جاك المحيط وش تسوي يا بحر = كبرك صغير بعين غيرك والمشارب مالحه
على الطريق يمر واجد لكن الفرق الاثر = أنشد وتلقى العلم عند العارفه [/poem]6]

صالح بن سعود الفريدسي
أبو مهند