عـذب القـصيد _ قصآئد مختاره _ ابيات رائعه _متجدد

لا تنفعل يا قلب .. لا صرت مغليه
لا غاب ما ارضى لك عذاب ومهونه

مشاعـري ويّـاك .. ماهيـب تمثـيـل
.............لا تختبرها ب/ الملامه ... وبالأحـرى :-
.،.
إصبّر علي شـوّي .. وتشوفهـا سيـل
.............وتلقى لها فـي عـروق خافقـك مجـرى

لاتشتكي وأنت ماتدري وش الضيقه
الضيقه الي عليها العلم في صدري

وشــــلون بينساك قلــبي وأنت خابرنــي

طاري الجـــفا لا طرالـــي تـــرجـف عظامي

الله يرحم حبنا اللي قتلتيه
جفت دموعي والبقى في حياتك

تلفت الناس لا مريت تكسر أرقـاب خلـق الله
الزين خذته ولا خليـت حـرام لا تاخـذه كلـه

لباقي الناس وش بقيت ياللي لك أوصاف مكتمله
وتمر عادي ولا حسيت حسنك بها الناس منذهله

طلتك حلوه إلا طليت ياحلوها جـد مـن طلـه
الكل يصرخ إلا من جيت هذا القمر وانقلب ظله

عذرك معك .. ماتعرف الهجر لاطال
.............................................. ابعذرك .. وأقول توّك صغيّر
ولا اكذب عليك الجرح عايش ولا زال
......................................... والكذب يالمجمول حبله قصيّر
حديتني على الضما واشهب اللال
............................................لين ان وضعي للامانه محيّر
وانت اتحداني على قتل الامال
..........................................تقول مالك قلب واحساس نيّر !
وانا عشانك مرخص الحال والمال
......................................... ومن دونك الاثنين شيك ٍ مجيّر
عندي تراك لحال / والعالم لحال
........................................... لاتستشك من الكلام وتذيّر
ان كان تبغى العلم ياسمح الاقبال
............................................. عزالله ان الهجر ملعون خيّر
امانتك لامرّ طاريّ فالبال
..............................................خلك كريم اليا تذكرت سيّر
اسكن معاليقي من الجال للجال
...........................................ومن كل ما فالصدر طب وتخيّر
ثم بعدها لاعاد تنشد عن الحال
.............................................كلش على حطة يّدك ماتغيّر

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

على طاريكْ كِلْ لحظه ..ولا أحتاج للتذكير
حَريصْ القلب ما ينسَى عيونِكْ , لا توصيني


تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني


أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني


مَحَدْ يِقْدَر يعَوِّضْنِي لأنِّكْ ..في عيُوني غير
ومَهْمَا شِفتْ أنا الفرحَه ..بدونِكْ ما تسليني


وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني


مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني


مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!


أناديكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي ..لا تصحيني




تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني



أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ ..لحظاته وعيَّا النُوم يعطيني

تغيَّر وجْهَي ..مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني



يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني


تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي ..كَفْ الوَصِلْ .. وآمِدْ كَفيني



أنا ما أقولْ اللِّي صَار فِيني ما هقيته يصير
لأنِّي كِنتْ مِتأكِدْ ..... بأنْ البُعد {ينهيييني}


إذا كانْ الجِفا واجِبْ فأناما مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليييني}

طنش تعش يرتاح قلبك وترتاح
والريح لا هب افطن وصك بابه
وحبل الأمل لا ينقطع خله وشاح
من فوق صدرك والحدب من نصابه
خلك صميدع لا تخوفك الأشباح
واعزم على درب الخطر لاتهابه
سر الحياة أم الخساير ولأرباح
من يعرفه لابد يحسب حسابه
ومن يجهله يصبر على الكسر لأطاح
وفي دنيته لو صاح محدآ درابه
لاتلوم نفسك باكر الهم ينزاح
واترك هواجيس تجيب الكابه
افرح بجيت من حضر وانس من راح
واقطف زهورالعمر في اول شبابه
خذ راحتك وافرح بساعات الأفراح
ولاجات لحظات الكدر والرتابه
دورفجوج الأرض خليك سواح
ترا ليالي هالزمن ماتشابه
ولا لا تمني عينك ف بارقٍ لاح
ماكل برق ينوض يروي سحابه
والطير من غير ازرق الريش وجناح
مايقدريحلق وضاق الفضا به
لاكن لاتزيد المواجع والاتراح
واسمع كلامي زين تلقاء الذرابه
طنش تعيش وتنتعش وانت ترتاح
ولا كل من يتعب على شي جابه