عـذب القـصيد _ قصآئد مختاره _ ابيات رائعه _متجدد

مــن فجعتي كنـي مسـوي جريمـة

قلت ارفعي صوتك ترى مابه ارسال

كـــذاب لــكـنّ المصيبـة عظيمـة

قالت أقول اسمع ترى هرجنـا طـال

مــمكـن تصاحبنـي ترانـي وسيمـة

واسمي الحقيقي أول حروفـه الـدال

لــكـــن يسمّونـي البنـات الزعيمـة

صحيح أحب الفخفخة واعشق المال

لكـن ترانـي طــاهــرة مستقيـمـة

ما عندي امغازل ولا( لعب يهّـال )

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمه

فكّر بعقلك واترك القيـل والقـال

واحذر تطيع اهل العقـول العقيمـة

وارسل علي الحين خمسميـة ريـال

أشحن بهـا جـوال أختـي غنيمـة

أو طقم غالي فيه خاتـم وسلسـال

أروح بـه فـي عـرس ولاّ عزيمـة

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لــكــن تــرى هـذي علينـا قديمـة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقتفى عرضها بيد الأنـذال

والله مــا يــبـقـى لهـا أي قيـمـة

قالت تبي ولاّ فـ خـلّك علـى جـال

مهوب ناقصـني نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـة

( تفو ) عليك وصكّت الخط في الحال

مدري ( تفو ) هي مدح ولاّ شتيمـة

في ساعة الضيق ياكثر اللي تناسوني

وياقلهم في زمان الجّد والحاجه

ما أبي هواهم ولو قاموا ينادوني

لي رأي يبقى على العالم ومنهاجه

عزيز نفس ولو هالناس خلوني

بعيش شامخ ولا اقبل زيف هراجه

أسج عنهم وأداوي خافي طعوني

واكتم ونيني واعرف شلون مخراجه

صبري كتبني بحرفه ليت يقروني

وعلاج روحي من الأيام بعلاجه

مانيب شاكي وبقهر من تحدوني

العّز ذاتي وصبري مشعل سراجه

وش عاد لوهم إذا اقفيت لاموني

من باع نفسه وش اللي فيه احتاجه

أصحاب حاجه مع الأيام عادوني

وخانو غلانا وطاعو ناس هلباجه

واليوم والله نسيت اللي تناسوني

ولأعاد اذكر زمان الجرح والحاجه

فواتير الجـوال صارت قليله و الجوال ماعاد صرت أشيله
ماعندي أي أحد أتصل عليه ولافيه أي أحد مسج أعطيله
حبيبي نساني وراح يا حليله من عذاب ربي والله يا ويله
أجل ليه أشيل الجوال ليـه مادام مالي حبيب أسهر ليله
الجوال يذكرني بصوت الغالي الغالي اللي راح وتركني لحالي
حالتي حاله من يوم عني راح صرت أنسى وين أحط جوالي
رجعته هي أول و آخر آمالي والله اني مشتاق شوق خيالي
ومن غيابه والله ماني مرتاح آه لو بس أسمع نغمته فجوالي

طال الطريق وضآع باب الموآصيل..
وانكسرت الخطوه ومحدن لمحها..


وتكسرت وسط الدروب القناديل..
والبسمه الخجلى عذابي فضحها..


ياغااايب بالله وين المرآسيل..؟
اللي تفرح خافقي لافتحها..


الليل في بعدك أبد ماهو الليل..
سود الليالي محدن قد مدحها..


لاصرت جالس بين هم وغرابيل..
وطيوف حزنن يعتريني شبحها..


وشلون أبفرح وانت أبعد من سهيل..
على عيونن مات فيها فرحها..


ليالي الماضي تحث المقابيل..
وعظام شوقي كل حزنن لفحها..


تبكي عيوني والبكا يقتل الحيل..
وياليت عيني تسمع اللي نصحها..


ماكل دمعه تنمسح بالمناديل..
بعض الدموع تطيح محدن مسحها ..

رسمت / لـ احلام المحبه / وعودك
لين المشاعر منك / جت تطلب الزود
واقفيت / ما هزت مشاعرك عودك
وانا احسبني فيك / لو غبت موجود
من كثر ما يسأل غيابك / وجودك
صرت اعتبرك انسان حاظر / ومفقود

لي خافق ٍ من جـوره اليـوم عنـاه
الصاحب اللـي صدّتـه مـا دراهـا
على النقـا حبـه ولاقلـت ب جفـاه
ميـر البـلا روحـه تزايـد جفاهـا
وأقفت تـردد نعنبـو الحـب مقسـاه
وأقفيت اردد حيرتـي ياعناااااااااهـا

اسقني من ريقك الحالي خمُر = خلّني أسكر مع انفاسك واذوب
غيّب الوجدان سكرات العمُر = وش يضر اللي غدا عمره مغيب
اسقني واحمل على متني وزر = " فغدا ألقاك َ ربي وأتوب "
المشاعر ثايرة فردى وزمُـر = ان منعها الذوق عيّت تستجيب
شوق ٍ أهذي به وشوق ٍ مختمر = في خفايا الروح يشعلني لهيب
لو يبوح بحبي لسان الشّعِر = ما أشوفك الا في قلبي حبيب
تلتصق اجسادنا شبر بشبر = بس أحسك داخلي أكثر قريب
اسقني من ريقك الحالي خمر =فغدا القاك ربي واتوب

ما ابيك بالقوهـ ..

و لا ابيك بالطيب ..

ابيك من كيفك تحس بحنيني وتجيني ..

ما ابيك تقبل باخر العمر وتغيب ..

ابيك دايم بين رمشي وعيني ..

خذني وغربني عن الناس تغريب ..

ما ابي اشوف انسان غيرك بعيني ..

انت وحدك قربك يكفيني ..

وحيدين في ظلمة الزمن تصادم كتفينا

غريبين ... كل منا غريب و نحن بين أهلينا

وحيدين .. جريحين من أغدار ماضينا

يجمع بيننا رجاء...
شعاع ضوء يقرب إلينا حلمينا

ولكن الشعاع لا يدنو منا ولا يتقرب إلينا

حتى اصطدمنا فرأينا الشعاع وكأنه نجمة

تسرق الضوء من الكون كله و تسلطه علينا

فرأيت وجهه الذي أفضى بالنور على روحينا

فقال لي ماذا لو إننا لكل الماضي نسينا؟

نمشي فوق جمر الصعاب

لنجمع بين قلبينا روحينا

و غدونا نطير في سماء الشوق منا إلينا ؟

فقلت له ماذا لو لم نتحكم في نفسينا ؟
ماذا لو؟؟

أصبحنا كفراشتين للريح لعبة تتقاذفنا

ترمينا برمال الأرض فيذوب جسدينا

تجعلنا في الحيرة بين حبنا و أهلينا ؟

أهلي... و قدسية ما احمله باسمي

أبي... أمي ...واهلك و عشيرتينا

فقال: ماذا لو كنت لكي وطنا و أهلا

ماذا لو كنت لكي دار تأوين إليها

تشعرين فيها بالدفء و عند الخوف

عند الخوف تجديني احميكي بحبنا
فقلت: ماذا لو دارت بنا الأرض

و انقلبت السماوات علينا

فقال: حتى لو... ستظل نجمتنا ساهرة

لتشرح للعالم كيف كان حبنا

و تسهر تحرسنا و لا تغادر بابينا