على زفرة التَّنهيت والشُّوق والطَّـاروق
طرقت المعانـي قبـلْ لايطرقـه جوفـك
تلحفت عين اللِّيل بين السَّهـر والشـوق
مع نزعة الخفاق مـن حالـت ظروفـك
تغنيت بك بسمه وضحْكه ودمعـة مـوق
وتجرعت مِن كآس الوهن قبلِ مظروفـك
أقلِّب سنين الفقـد ياجرحـي المفتـوق
واناظر بقايا الامس مع رعشِـة كفوفـك
طلبتك تجي وترد صوت الغلا المريـوق
على صفحتي من عام لوماحصل شوفـك
أوإِنك تعال وتل روحـي مـن المعلـوق
وكمِّل مـع الهجـران والصـد معروفـك
إذا البعد به راحه !!عسى مايجي له عوق
توكل علـى الله بـس لاتكثـر حلوفـك
توكل وخل الصدر في ضيقتـه محـروق
ويتِّم خفوق مات مـع خمسـة حروفـك
فلا عاد به لكن وبـاب العتـب مغلـوق
ذبل منك خفَّـاق ِترنَّـم علـى وصوفـك
عسى دمعةٍ سالت من الضيق يوم آسوق
تراتيل حبـك وارسـم الحلـم بطيوفـك
تعدا العيون اللي خذتنـي قبـل لافـوقْ
واعاتب صروف الوقت والبعد وصروفك
على زفرة التَّنهيت والشُّوق والطَّـاروق
طرقت المعانـي قبـلْ لايطرقـه جوفـك
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض العادي
