عـذب القـصيد _ قصآئد مختاره _ ابيات رائعه _متجدد

ياصاحبي بابك عن الشر سدهّ
وافتح لك أبوابٍ توديك للخير
ولاتظلم أي ٍ كان واتخَسر ودهّ
ولاتستمع للقول من دون تصوير
إغنم زمانك دوم والفرح ردهّ
واليأس خله دمره شر تدمير
وإحذر لغير الله كفّك تمدّه
وإن ضقت لا لاتمد ايديك للغير
واصبر على مر الزمن والمشدّه
الصبر طيب بعده الهم بيسير
لسانك حصانك يالخوي لا تهدّه
تطعن بظهر إنسان مكروه بتصير
قبل الكلام إجزم بأن إنت قدّه
لاتزيد فيه وإجعله دوم بالخير
لاتسل سيفك وإتباهى بحدّه
الله ترى فوقك وفوق المغاوير

ياحادي الروح بين البوح والعبـره
شيِ بسيطٍ على الدنيـا مصبرنـي
:
فإن كان لابد ينزف شاعرك حبـره
أضمن لي الدمع ما ينزف وعبّرنـي
:
كبرت حمول الزمان وقلّـت الدبـرة
وعيون الأحلام عميا مـا تدبرنـي
:
ياطيب حزني معاي وصدقه وكبـره
شف كيف بعيون خلق الله كبّرنـي
:
عزالله إنّي غديت بـ/ هالزمن خبره
من كثر ما كسّر ظنونـي وجبّرنـي
:
هالقلب قفلٍ قديم وباقي بـ/ صبـره
مقدار مـا يكفـي الأيـام تقبرنـي
:
ما ظلّ بي حيل أعاشر قلب وأختبره
طلّعني من الحديث الموجع أخبرنـي
:
وإلاّ تنام الشـوارد غبـن منجبـره
ويدين الأقزام شرهتهـا تشبّرنـي
:
تدري يطول الكلام وتخفت النبـره
وأنا التعب للغياب بصدق يجبرنـي
:
والبوح هتّاك ستر وداخلـي عبـره
وشيٍ بسيطٍ على الدنيـا مصبرنـي.!

ول يا كبر القهر لا صار مـا باليـد حيلـه..
والجروح من القرايب والخطا منـي وفينـي!!
أن نويت أشفي غليلي ما لقيت أية وسيلـه..
كيف أبلقى دام جرحي سبته طعنـه يمينـي؟!



وأن نوت تبكي عيوني صارت الدمعه بخيله!!
كبرها لامن تجمع هم قلبـي وهـم عينـي..
ياهموم(ن) بي تعدت حدها صـارت ثقيلـه..
أخذي مني كم سؤال ولو سمحتي جاوبينـي..

ليه من بعد الوفا والطيب وفعول(ن) جليلـه..
من يدين اللي حشمته أول طعوني تجينـي؟؟
وليه لاضاق الفضا في عين من خانه دخيله..
مالقيـت إلا الملامـه أنتهيهـا وتبتديـنـي؟!



ياهمومي ياجروحي يا صدى الروح العليلـه..
والله أن الظلم قهره قيّـد لسانـي ويدينـي!!
يوم قيل أنظر حسودك زاد في قولـه وقيلـه..
ما طرالي غير قولت آآآخ يا دنيا أرحمينـي..

أن تكلمت وحكيت وجبت برهانـي ودليلـه..
ما تضرر كود منهو قـد لفانـي منتخينـي!!
وأن سكت وقلت هانت هم وسنينـي تزيلـه..
أكتشفت أن السنين تزول والهـم محتوينـي!!



بس لجل اللي انتخى في جد جدي والقبيلـه..
والله أني لاشرب المر واتحمل مـا يجينـي..
ودام ما بالكون صدر(ن) أرتمي به وأشتكيله..
ودام مابه عين تقرى حزني اللـي مبتلينـي!!

ما انساكـ انا والله ما دامني حـي ..~
مهما يكون اللي ببعدكـ جرالـﮱ
جرحكـ حبيبي كاوين خافقي كـي ..~
منكـ انا والله يا ويل حالـﮱ
ما عاد يهنالي ببعدكـ ولا شـي ..~
وطيفكـ ياروح الروح دابيم ببالـﮱ
بعدك حياتي طاوين ضحكتي طـي ..~
ومحدن عقب فرقاكـ والله بقالـﮱ
حبك ملكني يالغلا وساكنن بـي ..~
وانت منى دنياي ياراس مالي
ودي بشوفكـ يالغلا لو اللقا شـوي ..~
ودي بشوفكـ يا بعد كل غالـﮱ
ورود حبكـ ضاميه وحبك المـي ..~
وانته مناه القلب وحبـ❤ـكـ هنالـﮱ
دونكـ ترى الدنيا بعيني ولا شـي ..~
بعدكـ عذاب وقرب قلبكـ منالـﮱ
ما انساكـ .. لا ماانساكـ مادامني حـي ..~
ومنك انا والله يا ويل حاالـﮱ

يا نعمة النسيان يـا رحمـة الله
لولاك أنا عزاه وش كان سويـت
لو أذكر اللي كـان دقّـه وجلّـه
ماكان ساعه في حياتـي تهنيـت
لولاي أسلّي خاطري جـاه علّـه
وأرتاح لين أرسلت بعض التناهيت
لى ضعت بالنسيان وقتـي يدلـه
وليت يا وقت العنا كيـف عييـت
خل الفكر يرتـاح والقلـب خلّـه
في غيمه النسيان يلقى بها بيـت
أسج بعض الوقت ماهـوب كلّـه
وأعود كني ما عن الحال سجيـت
وأشوف كلش ثابتٍ فـي محلـه
عن واقع الأيام ما كنـي أقفيـت
هذا ضحى شمسي وهـذاك ظلّـه
والليل رعشه ساريات المواقيـت

تفداَك ’ ألآحلام ‘ يـ"ذكرّى موأدعنـآ

تعيّش ويبقىُ : مع إلآيـآم : هوجاَسك

إذا ودّك تحس شلون ،‘ آنآ بآلحـيلٍمحتآجكٍ !!
أبي تحبس نفس صدرك وحس بحآجةٍ . . . . . . . . آلزفرهٍ!

ايه انشديني عن حياتي بليـاك
ايه اذكري جرحك وباقي سنيني
ياماهقيتك ترجعي وتنسي اجفاك
لكن صراحه ماهقيتـك تشينـي
هذي الحقيقه دام بيديني انسـاك
بنساك وانسى مابي مثلك ضنيني
دام الوفا والحب والثالث ارضاك
وش الذي تبغاه ولاجلك يهينـي
هذي حياتي كلهـا لك..تفـداك
بسك خلاص ارجوك مره تليني
مابغى أعيش الوقت كله بطرياك
ابغاك يمي لاقسى الوقت فينـي