عـذب القـصيد _ قصآئد مختاره _ ابيات رائعه _متجدد

عـزالله أنـي للـوصـل جـيـت مشـتـاق
شـوق الغريـب ليـا سمـع نـوح ورقـا
جيتـك وشوفـك مزبـن القلـب لاضـاق
جيتك غلا وأصفـى مـن الشهـد وانقـا
جيتك قصيد وحب واحساس واشواق
جيتـك أبـي وصـلً بالاحـسـاس يـرقـا
ياهاجسي واللـي رفـع سبـع الاطبـاق
واحـيـا هشـيـمً مــن سـحـابً وبـرقــا
انــك بعيـنـي فــوق هـامـات الآفـــاق
مـالـك شـريـكً .. لا شـمـالً وشـرقــا
حـبــك بـدمــي بالشـرايـيـن يـنـسـاق
وغــلاك ثـابـت داخـلـي بـكــل عـرقــا
لك في خفوقي دار وصروح واشـراق
وبناظـري وصـفـك عـلـى كــل طـرقـا
يـوم المفـارق طعنـةٍ وسـط الاعمـاق
رمحـك زرقتـه بـيـن الاضــلاع زرقــا
أثـر الصـبـر لازاد بالـصـدر مايـطـاق
يـحـرق شـرايـيـن المعـالـيـق حـرقــا
وأثري حصيلة كـل مخلـص وصّـداق
جـزى الوفـا .. جـرح وتنـكّـر وفـرقـا

حــل الفـراق وسـالت دمـوع الأحبـاب ... في ليلـة(ن) غصب(ن) علينآ رضينآ


الليـلة اللي ما حسبنآ لهآ حسـآب ... ولا حسبنـآ حسآب فرقى حدينـآ


ليلـة بهآ هم وتناهيـت وأعصـاب ... ما عااد ندري وش لنا وش علينـا


فـارقت فيـها سيـد تلعـات الأرقـاب ... اللي نبيـه وندري انـه يبينـا


يا نـور عينـي كافي دموع وعتآب ... اللـي حصـل مقسـوم مآهـو بيديـنا


مجبـور في غيـري وانا منـك منصـاب ... هذا النصيـب اللي هدم ما بنينــا


ليتـه حصلي عن محبتـك مجنـاب ... أو ليتنـا يا صاحبي ما ألتقيـنا

طاحت من اكتاف التعب [اربع شهور]
...... وصاحت من اتعاب الكتوف .. الثواني..


وصار الحزن[شباك]..والصمت ديكور
...... وبكاي .. [ترتيلة مطر] .. للمواني..!



والدمع شمع.. ومعظم احيان [بلّور]
...... يتمرجح اهدابي.... / ليا من بكاني..!



كل ماأغني يختنق [صوت عصفور]
...... وكل ماسكتّ .. تموت فيني [أغاني] ..!



وكل مامكاني يجفي [اصابع النور]
...... أشعل اصابيعي .. و أجفى مكاني..!



ومن كثر مانا [طاغية].. حسّ وشعور
...... مابي هلي يدرون ... اني أعاااني..!


أطلع ابروز [ضيقتي] فآخر السور
..... إيلين تبكيني ...\ السكك والمباني..!


وارجع و ألقى ياوطن.. ضيق منثور
..... إسمع... / ولا تنثر دموعك ..عشاني..!



طفلتك ماتملك سوى..[ حلم محصور]
.... و[شويّة العاب] ... / وحكايا موآني ..!



تحضر غياب وتلتحف..:غيبة حضور
..... ينسونها .../ وتقول: محد نساني..!



تحلم.. وتخنق حلمها .. [وحشة الدور]
...... والمدرسه....وهواش [أبله تهاني] ..!


وعلى كثر مابلّل اطرافها ... [النور]
..... تفرد أصابعها .. \و [تطفى] معاني ..!


وعلى كثر ماتترك الصبح [ممطور]
..... تذبل ... لأن الصبح دايم .. [أناني] ..!


مامات من [برد الصباحات] .. عصفور
..... بس هيّ [ماتت] .. من كثر ماتعاني ..!

أحبك طفل ٍ أعمى قاضب ٍ ثوبك يخاف يضيع
وأحبك شايب ٍ قرب يموت بغيبة عياله



وأحبك نظرة عيون ٍ غزتها حسّرة التوديع
وأحبك وردة ٍ ماتت ولا جا اللي بتهداله



وأحبك منظر الثلج إن بدا فوق السفوح يميع
كأنه دمعة الحر السنافي بين عذّاله



وأحبك.. غيم عيّا لأمر نفخات الهبوب يطيع
حلف مايعطي إلا نجد نزف الحب وظلاله



وأحبك ريح تنثرني قصايص مالها تجميع
وأحبك شي في نفس العطر ليديك ماقاله



وأحبك صرخة ٍ فيها سوالف رحلة التلويع
وأحبك عاشق ٍ ماتت حبيبة عمره قباله



وأحبك سر مايخفى ولايمكن بيوم يشيع
وأحبك شمع كله ذاب مايدري من أضواله



وأحبك مجلس أجواد ٍ مشرع بابهم تشريع
والى جا .. من هجدهم قبل يقعد جاه فنجاله



وأحبك غبنة ام ٍ عقدها ياللأسف مابيع
ولدها صابه اللي خذ قبل حول السنه خاله



وأحبك طفلة ٍ تحبي على صدري وأخاف تضيع
وأحبك شايب ٍ ضمّ وكسر ضلع أصغر عياله

أمر شارعكم واسلم على البيت ... واقول هذا بيت زين لوصوفي

جيته وراء المغرب ولا شفت انا الليت ... واستغربو جيران بيته وقوفي

حاولت اقوي من عزومي وصديت ... ودموع عيني ماليه الكفوفي

عليه كل ما اصبحت وامسيت ... سلام لو قطع معاليق جوفي

يا نور عيني يا ترى وين حليت ... وين ابعدوبكـ يا زعيم الخشوفي

ياليت ما شفتكـ ولا كان حبيت ... حيثكـ غريب الدار واهلكـ ضيوفي

لـبِّـيْـه يَـــارُوْح الْــغَــلَا قَــــوْل وِش فِــيــك
هَــات الْـوَجَـع يَـــا رُوْح رُوْحِـــي بْشَّـيْـلَـه



عَطْنِي الْوَجَع خِل يَحْتَرِق صَدَر مَغْلِيّك
و لايَشْـتَـكِـي صَـــدْرِك مِـــن الْ آه لِـيّـلَـه



خَلِّـنِـي مَـعَـك فِــي كُــل شَــي ٍ حَوَالَـيْـك
مَـشَـاعِــرِي بِـالْـحُــب مَــــا هِـــــي قَـلِـيْـلُــه



هَات الْوَجَع مَادَامَت ايْـدِي عَلَـى ايْدِيْـك
الْـــصَّــــد مُـــوْجِــــع وَالْـلَّــيَــالِــي بِـخَــيْــلِــه



قُلّـي وَش الْلَّـي فَيْـك يَـا عْـل مَـا ابْكِيَـك
يَـــا اعَــــز خِــــلٍ صَــــار غَــايَــة خَـلِـيْـلِـه



مَــــا ادْرِي اهَــنِّــئ الْـنَّـفْــس وَلَا اهَـنِــيــك
فِيْـنِـي وَفِـيْـك اشْـيَــاء عَـرَيْـضَـه طَـوِيْـلَـه



مِـثْـل الْتُلَـعْـثِـم كُـــل مَـــا قُـلْــت ابِحَـكِـيـك
وَمَـثَــل الْـسَّـحَـاب الْـيَــا تَــحَــدَّر بِـسَـيْـلِـه



وَمَــثَــل الْــفَــرَج لَا ضَـيْـقَـتِــك الـتَـهَـالَـيـك
وَمَـثَـل الاصَـالُـه فِــي عُـيُــوْن الْأَصِـيـلَـه



لَـبِّـيْــه مِــــن وَاقِـــــع مَـشَــاعِــر تُـرَاعِــيــك
وَلَـبَّـيْــه يَــــا ضَــــل الْـخَــفُــوْق وِمْـقَـيِّـلِــه



ارْضِـيَـك اي وَالْـلَّـه وّشْـلّـوُن مَـــا أَجِـيْــك
وَانْـــت الْـخَـيَـال الْـلِــي خَـفْـوّقِـي يُـخَـيِّـلُـه



اوْصِـــد عَـيَـوُنِـي فِـــي عُـيُـوْنِـك وَخِـلَّـيْــك
وَاتْـــرُك خَـفْـوّقِـي يَـحْـصُـد الْــلِــي بِـقِـيْـلِـه

شـي ء ٍ بـقـلـبـي يـامــلا حـايـر ٍ فــيه
شـيء ٍ تـحـيـر بـه الـعـقـول الـفـهـامـي

مـخـفـيه بـفـوادي ولا ودي أبــــديـــه
وادور الـخـيـرات شــــرق وشـــــامــي

احــترت بـه مــاشـفــت شـيء ٍ يـحـالـيه
والـيـوم ابا انـشــد عـنه مـانـيـب كــامـي

سـيـل ٍ حـــدر مـع وادي ٍ غــير واديــــه
مــدري حـــلال ٍ مــاهـ والاحــــرامـــي

كـانه حـــلال وجــاير شــرب صــافــيه
وشـ حـلـلـه يـامـفـسـريــن الـحــــلامــي

هــاتـوا تـفـاصـيـله وهــاتـوا مـعـانـيــه
نـبـي الـدلــيـل اللـي عـلـيـه الـكــلامــي

نـبـي دلـيل يـفـهـم الــدرب مـــاشـــيه
يـمـشـي بـه الــتـايــه بـلـيـل ٍ ظـــلامــي

يـمـشـي بـه الـتـايـه ويـقـدي مــواطـيه
ويـشـرب قـراح الـمـا لـيا صـار ظــامــي

لاشـك هـجـسـي يـوم خــلا مـمـاشــيه
أنــه حـــرام ومــنـه زود الأثـــــامـــي

احــرم مـن الــزقــوم مـــره وحــالــيه
وشــربه عـلـى الـظـامـي يـزيـد الـهـيـامـي

اللـه مـن قــلـب ٍ هــمـــومه تــقـــزيــه
تــدك بـه مـثـل الـجـــراد الـتـهـــامـــي

مـن مــاجــرى قــامــت تـتـلـه مــشـاحـيه
تـل الــرشـــا مـن فـوق هـدف الـمـقـامـي

روابــع قــامــت تـصـيــبه وتـخــطــيه
شـاف الـهــوايـل واخــتــلاف الأســامـي

مـايـسـمـع الـداعــي لـيـا قـام يـدعـيه
يـعـوم فـي بـحــر ٍ مـن الـهـم طـــامـي

مـايـنـتـبـه لـلـي بـصـوتـه يـنـاديــه
يـزيـد هـمـه يــوم كـل ٍ يــنـــامــي

يـشــوف وقـت مـاعــرفــنا تـوالـيـه
وقـت ٍ يـشـيـب مـن بـسـن الـفـطــامـي

هــذا زمـــان كــاثــرات بــــلاويــه
والـغــيـم يـقـلـب فـيه عـج وكــتامـي

يـابـعـد شــرب الـمـا عـلـى كـبد راجـيـه
مـاسـيـل الـغــبـرا زعــوج الـجــهــامـي

أنـبـيك يـامـن كـلـمـة الـحـق تـرضــيـه
اعـطـيـك مـايـنـفـعـك وأفــهـم مـــرامـي

قـصـر ٍ يــذلـك لاتـقـابـل مــبــانـــــيـــه
خــلـه عــســى شـامــخ طـويـلـه هــدامـي

خـلـه عـسـى مــاصــاب أغــاديـر يـفـنـيه
يــودع مـنــازلــه الـطــويــله رجـــامـــي

لــو زان مـدخــالـه وطــالـت حــوامـــيــه
شـيـد عـلـى الـخـيـبـه قـلـيـل الــرحــامـي

وحــي ٍ يــوريــك الـمــذلــه وتــغــلـــيه
أنــا اشـهــد انــك مــيــت الـقـلـب عـــامـي

مـن لايــــــودك لاتــــــــوده وتــــــــرجـيـه
ارفـــع مــقــامــك يــاعــزيــز الـمـقــامــي

ارفــع مــقــامـك عــن عـــدوك وتــوذيــه
ويـلـحـقـك مـن تـركـك رفـيـقـك مـــــلامــي

حـق الـرفـيـق وواجـبـه لاتـخـــلــــيه
يـلــزمـك مـثـل الـوالـديــن الـحــشـامــي

اخــتر عـزيــز الـجـــار والـحــق يـعــطـيـه
شـبـل ٍ عـلـى هـــرج ٍ يـقــولـه يـحــامــي

مــادك بـه عــــرق الـمــذلــه وطــــاريـه
ويـسـبـق عـلـى فـعـل الـفـضـيـله شـمـامـي

ومـن قــال الأجـــرب بــالأمــــراض يــعـديــه
عــدواه تـسـطـي باللــحـم والـعــظـــامــي

درب الـســلامــه بـيـنــات ٍ مـمــاشــيه
ودرب الـعــطــب يــرث عـلـيـك اللــكـامي

ابـعــد وقـلـبـك نــازح الـبــعـد يـشـفـيـه
وتـلـفـى عـن الــدار الـبـغـيـضه مــقـامــي

دار ٍ بــدار ٍ وداعــي الــــذل عـــاصـــيـه
ولاتـقــبـل الــذلــه نـفـوس الــكــرامـــي

الـذل مــوت ٍ حــايــمــات ٍ ضـــوامـــيه
ادخـل عـلـى مــنـزل فــروض الـصـيـامــي

عـن مــقــعد ٍ بالــذل عــيــنك تــراعــيه
الــمــوت عــنـد الــذل امــان وســــلامــي

يـرضـى الـمــذلـه مـن تـــردت هـــقـــاويـه
والــذل يـجـفــل مــنه قــلــب الـعــصـامــي

والـعـبـد لــه رب ٍ عـن الـنـــاس يــغــنــيـه
ولــــولاه مــاصـــاب الـهــدف كـل رامـــــي

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

عني على ما قيل من باب تصوير ..
.. (لاحدٍ أبي قربه ولا أحدٍ يبيني

،


الأيام لو تدري عن شعور الانسان ،
ما كان ضاعت حسبة اللي حسبها !

شاعر شعوره حي و يجر الالحان ،
مشاعره ان ما نطقها ، ! كتبها .. !

حبيبته ما تنام ، لا صار : سهران ،
تذكر هدب عينه ، و تنسى هدبها ..!

اقصى زعلها / لوم لا صار غلطان ،
و هو يقدرها و يعشق : عتبها .. !
،

أطيح .. وآوقف .. و أرتفع كل مآ طحت
و أكبر و تكبر ’ خبرتي بَ آلآوآدم ..