عـذب القـصيد _ قصآئد مختاره _ ابيات رائعه _متجدد

من حبني رغم تفويتي له الانخدام

واللي كرهني فهذا شخص ملعون صير

الله الي راد والعقده قضاها الي عقدها
لا على الدنيا سلام ولا لباقي العمر زينه

/
\



ســ/ــاعات احس ان الزمن قاسي ولا يمكن يلينـ ..

ســ/ــاعات احس ان الفرح محال ولا يمكن يحينـ ..



\
/

أحبه يازمن علامك تبعده عني ....

بعد ماكان هو جنبي وكفه دايم بكفي ....

اشتكي لوسادتي دنياي واسمعها تنوح

.. كنها بعضي وبعضي وينه منهو معه

’
’

ماعاد تفرق خذاك الوقت او جابك

.. في الحالتين الموت اقرب لي من ظلالي

أما بموت من الوله لا طوّل غيابك

.. ولا بموت من الفرح لا شفتك قبالي

’

بترفع عن الناس الحثــــــاله : : : وبرفع التفكير مانزل مقامه
وإن بدا جهله فـ يوم وإستماله : : : ما أعتقد ينسى هوانه وإنهزامه

ولدت ساطي ومتغدرس واحب الخصام

ولا اعترف باادارت طبع ولا مدير

تبعدك الايام و يجيبك شعورٍ صدوق
و القلب لامن نوى طاريك كله نوى

ليلة فراقك شعرت اني بليا خفوق
و اللي قوى جور وقته يومها ما قوى

ما كان لي حيل اوقف بس وقفت ذوق
ما ودي اجرحك حتى في وداع الهوى

ضاقت بي الناس و الدنيا و كل الخلوق
و العاذل اللي ضما دمع الحبايب روى

هليت دمعٍ من الضيقة لمثلك يلوق
و سجيت في ليلتي حتى نهاري ضوى

دمعٍ نثرته على فرقاك يا شوق شوق
و دموع الانسان ما هي في حياته سوا

يالغالي اللي نسيت انساك بين الطروق
و اليا ذكرتك حيا وردٍ بصدري ذوى

و يا اللي تقدي بنور الخد نور البروق
و يا اللي بشعرك طويت الليل حتى انطوى

غالي و لك في حياتي كل لحظه شروق
و لك بخيالي قصيدٍ شامخٍ ما هوى

الله على الشعر يوم انه بعالي العذوق
من قبل لا ينقطف طلعه و هو ما استوى

من قبل لا يصير سلعه في يدين السروق
و يصير مستشعره شاعر و صاحب لوا

و اليوم شعري كثير و حابسه بالعروق
اخاف ينزف و لا يلقى لجرحه دوا

قالوا حبيبك يسمع الشعر قلت إيـه () يقراه بعيوني قبل تسمـــعونه

لولاه حتى طاري الشعر مـــــابيه () مير اكتبه من شان خاطر عيونه

هو روح شعري وامنياته ومـــاضيه () جذع الشجر وش كان لولا اغصونه

اكتب لغيره والقصايد تجي فـــيه () كن القصايد حالفه ماتخـــونه

هذاك لامنه زعل قمت اهــــــاديه () حتى وهو مخطي تعــــذرت دونه

يمكن لوانه يلمس الجرح بيـــديه () يستغرب ان اللي لمسها طعـونه

ابطى وهو غايب وزلت حـــــراويه () وأنا من العام اتحرى مــزونه

هو مادرى اني في غيابه محــاتيه () ليته نشد عن حالي اللي يجونه

وقلبي اللي توه افلت عــــراويه () كيف انسرق وضلوع صدري حصـونه

عجزت ارده كن ماني بــــــراعيه () يوم انتثر شوقه وهاضت اشجونه

يبسن عروقه لكن اللي يعـــــزيه () ان اكثر العالم تردد لحــونه

خافوا من الله لاتجيبون طـــاريه () لاصرت انا موجود لاتذكــــرونه

لو كل غالي جابه الله لغـــاليه () ماشفت لك مخلوق تبكي عيــونه