عـذب القـصيد _ قصآئد مختاره _ ابيات رائعه _متجدد

العن أبو جدك ولا أبو نظامك
.........وألعن زمان(ن) حدني يمك أجيك
حسبي على شيء(ن) يسمى غرامك
....وحسبي على ناس(ن) يجيبون طاريك
يا مدعي بالحب والعشق ضامك
............الحب يكرم عنك خابت مباديك
تعبت افهم فيك قل لي علامك
........مليت أجامل حضرتك بس أداريك
اصد عنك ثم ترمي سهامك
.....واتجاهلك رحمه على شأن ما أنهيك
لا تحسب إني عبد يمثل أمامك
..........مملوك مايعصي أوامر معاليك
حدك تخطيته وبلوي خطامك
.........وأعلمك درس(ن) يفيدك ويبكيك
تعرف من أنت وثم تعرف مقامك
........حتى تعرف اليوم وش نظرتي فيك
مهما تقول اليوم وفر كلامك
........وأسمع كلامي وافهمه يوم يلفيك
اللي قدر يا هيه ينشل ركامك
....من شاطي بحر رمله وصخره حواليك
كسر وجبر في بقايا حطامك
...............قدر يردك مع الناس يحييك
ركز معي لحظة وشد اهتمامك
.........بالمختصر قادر انا اهدمك وابنيك
أصير لك كابوس يزعج منامك
...........تبقى سجينه طول الأيام يشقيك

مرحوم ياقلب قضى طاوي الشوق * عسى المطر يسقيك ويبل الارمــاق

قضيت بالدنيا طريداً وملــــــحـــوق* تركض ورا الاهي وساقاً لحق ســاق

من شوقك الطاغي طواك الهوى* طروق تترجي في العذال بعيون سراق

سالت على خدك دموع لها فروق* بانت جفون العين مكنون الاشـــــــواق

عطيتهم حبك وجازوك بعقــــــــوق* ماحللوا سهرك الى وقت الاشراق

جزاك تقضي من هوى البال محروق* ماشفت بالدنيا بديــــــــــلا لــهم لاق

خصيتهم بالود عن كل مخلوق *عميت عيونك وانحنت كل الاسواق

قضيت عطشانا على الزين مشفوق* شربت من سم الهوا رشوة ارياق

ومرحوم ياقلب قضى طاوي الشوق* عسى المطر يسقيك ويبل الارمــاق

تلاقينا .. وصرت إنت الوحيد اللي ملا دنياي ..
و غيرك راحت سنينه عبث ما حرّك إحساسي ..
تخاوينا على درب الفرح وخطاك جنب خطاي ..
وعدتك تبقى بعروقي غلا ما يعرفه ياسي ..
زرعتك نبض وإحساس ومشاعر وألف راي و راي ..
على حروة غلاك وجبت لك حبري وقرطاسي ..
أبـ أقلط صدر مجلس خافقك خابر هنا مركاي ..
وأبشرب من فناجيل الوصل ما يجلي عماسي ..
وأبا أهيجن على ربابة الاشواق يا مسراي..
أنا شاعرك .ديوان المحبه وإنت جلاسي ..
وأبـ أسمعـّـك آخر ما كتبته فيك يومك جاي ..
و شايل معك ضحكات الزمان و جيت متواسي ..
بـ أجر الصوت لين الصوت يوصل أبعد إمن إحكاي ..
ترا بعض الحكي ما يعترف بـ حدود وقياسي .. !!
صحيح أشيا كثيره بيننا ما هزها مغناي ..
ولكني أحاول أكتم الموضوع عن ناسي ..
إلى من زارني طيفك أسولف عنك رايح .. جاي ..
يطمني عن أحوالك وإنك منت لي ناسي ..
ترا كل الكلام اللي نطقـته من صدى ذكراي ..
بعد ما رحت يبقى قدرك بـ عيني وعلى راسي ..
عجز حظي ولا جابك وجر الحزن صوت الناي ..
على قول المثل ( حطاب وعندك إنكسر فاسي )
وتبقى غيبتك أقسى مراحل عشتها وياي ..
ويبقى خافقك بـ الذاكره عشقي و نوماسي ..
تفارقنا .. ولا زلت الوحيد اللي ملى دنياي ..
وغيرك لو قضى عمره ( حشى ) ما حرّك إحساسي ..

اضحك وفلّ حجاجك اشفيك محزون ... دنياك ماتسوى وخذها نصيحه..
مادام مالك ميت ولا انت مديون... ارم الهموم وخل نفسك مريحه..
لو كانوا اصحابك يضاهون مليون... نق الكفو منهم وخل السطيحه..
ولا تشتكي للناس لو كنت مطعون ... والذم من بعض الخلايق مديحه..
ولا تنحني للهم وتعيش مغبون ... ترى المريح اهل العقول الصحيحه..
لا صرت صادق قالوا الناس مجنون ... ما يمدحون إلا النفوس القبيحه..

الصمت نعمه .. والتواضع فضيله
والكون له خالق .. وللارض حكام

واللي يدور حاجة مستحيله
لابد مايجزع من النوم .... لانام

[ عسى آلۈنـآسهـ مآ تفـآرق حنـآيـآڪ ..
مثبتـهـ في مبسمڪ مـآ تخليڪ ..

تدري ويش الي بها الساعه اتمناااه قربك دقيقه لو ثمنهاااا حياتي

مـاكـل صـدفـه خـيـر مـن ألـف مـيـعـاد 00 بـعـض الـصـدف لا قـدر اللـه مـصـيـبـه

ان مات غالي .. قلت حيل الله اقـوى !
..............انا آدمي مثله .. ولا فـي يـدي شـّي
ماهي بسيطة موتته .. لكـن اشـوى !
.............المشكلة .. لا مات قلبه وهـو حـي !!

مقدار حبي عالم(ن)فيـه ربـي
والا الموازين لغرامي ظلومـه
لالا تقارن حـب امـك بحبـي
أخاف من عينك تطيح الأمومـه
أخشى يقولوا عنك ماهو مترّبي
مابي أشارك في عقوق الرحومه
ياغايتي ماعـاد فينـي أغبـي
حبك تعدى حدود نفس(ن)كتومه
مابيك تسأل عن مقادير حبـي
بكره مع الأيام تطلـع علومـه