بعض قصايد الشاعر الكبير وزعيم الشعر الشاعر مساعد الرشيدي
..مشاوير الطريق..
تخوفني مشاوير الطريق المظلم المهجور
وانا لا من ذكرتك قلت طولي يا مشاويري
عزاي انك رجا يلعب بي لو كل الدروب اعثور
وصلت او ماوصلت اعرفك ماأنته منتظر غيري
حبيبي وكل الله لاتحسبني بليد شعور
لو انك المستحيل الصعب ما أبدي لك معاذيري
أحبك رغم تجريح الليالي لقلبي المقهور
اشوف الجرح يكبر وأنت تكبر وسط تفكيري
أحبك لو يموت الحب وتصير القلوب قبور
أحبك كلمه لو حرموها حل تكفيري
أحبك من هنا حتى طلوع الفجر حد النور
صحيح انك قدر محتوم بس أجمل مقاديري
بعذر اللي يحبك لو يصير الشاعر المشهور
لانك تنهمر حلو القصيده في تعابيري
احد ربي يحطك له حبيب وما يجيه غرور
وانا مهما بغيت استوعبك يا قل تقديري
هلابك من قدمك لغرتك لشعرك المنثور
هلا في كل شي فيك وأنت اغلا مساييري
اثر صدق الغلا يجبر حطام الخاطر المكسور
وانا مهما منحتك من غلاي احس بتقصيري
ولو طالت مشاوير الطريق المظلم المهجور
انا لا من ذكرتك قلت احبك يا مشاويري
..سيف العشق..
كيف اطفي الريح بثيابك وكيف اشعلك
كيف اتنثر على جمرك وكيف احتويك
نقضت ليل الحرير وجيت ما أنت لهلك
سميت بالي فتني بك وقلت ابتديك
هذ اول الدرب او هذا الطريق اولك
جيت اتقوقا عذابات المدى واهتديك
شوقي مسافه وهمساتك مدار وفلك
ان ما ظميتك غلا يعلني ما ارتويك
ايه اعرفك واعرف اني من غلاك اجهلك
مرات اضمك واخاف اني مشبه عليك
مرات اشوفك وبنفس الوقت واتخيلك
وانشد كفوفي عن اخر سالفه من يديك
اعن لك لو تصب الموت واتهيلك
واجوع لك واتمنى خنجرك واشتهيك
ما قلت لك عمر "سيف العشق" مايقتلك
ماتشوفني حي قدامك وانا اموت فيك
اشتقت لك قبل اجيك وجيت واشتقت لك
البارحه طول ليلي بين هذي وذيك
مليت جمر انتظارك واستحيت اسألك
واحسبتني مابعد جيتك وفكرت اجيك
أثرك بقلبي من البارحه وانا استعجلك
واثري نسيتك من الفرحه وقمت احتريك
..صــوتــكــ..
صوتك اللي بقالي من ليالينا
عاد لو غاب صوتك ويش يبقالي
صوتك الموج..والمجداف...والمينا
صوتك الناس لوني في خلآ خالي
صوتك الذكريات اللي تدفينا
كل ما هل شفت العيد يبرالي
صوتك بعيد مثل البعد يطوينا
صوتك اغليه..صوتك يابعد حالي
من غروب الكلام لشرق اسامينا
ياحبيبه وصوتك عندي الغالي
سولفي...لعنبو هم يبكينا
انتي اقصى مدى الهقوات والتالي
مالها حد شرهتنا وامانينا
والمسافات قشرا مالها والي
يقبل الليل لا مرفا ولا مينا
عاد لو عاب صوتك ويش يبقالي
..جــيــتــكــ..
جيتك بقايا حي كل اكثره مات
وصلت لك باأخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت انتحر في نجلك الناعساتي
جيتك مزيج جروح ودموع وآهات
نديم لعيون الاسف والشماتي
جيتك شظايا تشتعل شوق بسكات
مدري حزن مدري سعادة سكاتي
جيتك لو أني سابع المستحيلات
اللي يجيك يضيع المعجزاتي
جيت استجيرك من شموس المتاهات
عيت تظلني تحتها عباتي
ابتعفى عقب طول المعاناة
على رصيف اشواقك الدافياتي
تلقفيني من يدين التشتات
صيري بتجاه الروح قارب نجاتي
هلي غلا يمحي كدر كل ما فات
يامزنة افراحي ومنبع هناتي
معي افرحي وارضي عيون حزينات
واحيي زغاريد الفرح في شفاتي
رزي بيارق عيدنا والمسرات
شوفي اللي آسوي وسوي سواتي
يامبعده رغم اختصار المسافات
ياخالده بارض وسما ذكرياتي
جيتك وحالي ما يبي له مراوات
صبري قضى لو الصبر من صفاتي
اما دموعي بدليها ابتسامات
ولا اعزفي لحن العزا في وفاتي
حاصل على ترخيص من وزارة الثقافه والاعلام السعودي
بعض قصايد زعيم الشعر الشاعر مساعد الرشيدي
العرض العادي
