كـــل مـــن هـــب ودب قـــال انـــا شـــاعـــر اقــراء الـشـعـر

السلام عليكم ورحمت الله وبركاته
اقدم لكم قصيدة الشاعر الكبير ::خالد بن مدعث
انتقاد شعر الحداثه اقراها زين


يا صاحبي جفن العنا عناني=من هاجسٍ عن مرقدي قزاني

وقامن روابع خاطري يردنه=وردن مثل ورد القطى العطشاني

على محيرٍ صافيٍ في صفصف=ما يرده الا مومي الجنحاني

وردنه بيومٍ هبوبه لاهب=وهيفية الجوزاء لها دخاني

والماء مواريده بعيدٍ عنهن=ومثل امس ما شربن شرابٍ هاني

وطاري يذكرني بعطرٍ فايت=عصرٍ مضى في سالف الازماني

ما باقي الا ذكر اهله مخلد=ناسٍ فنوا واللي سوا الله فاني

مطوعين الكايد المستعصي=تحت يديهم كل صعبٍ لاني

ما يشترون الا الثمين النادر=جواهرٍ يرجح بها الميزاني

ولا يقطفون الا القطوف المثمر=وقطف الثمر ماهو بخبط اغصاني

ولا يبدعون الا البيوت الشرد=اللي مقاطعهن مثل شاماني

جزل القصيد اللي يصح النايم=مثايلٍ يبصر بها العمياني

مثل المسمى براع الاجرب تركي=وشيبان ابن قويد ولويحاني

وصقر النصافي والوضيحي بصري=وخجيم ابن عواد ودبياني

ومثل السديري والدجيماء ومرشد=وابن حميد ومحسن الهزاني

وشالح وابن لعبون وابن دويرج=وخلف لاذن وبديوي الوقداني

والقاضي ودعسان وابن سبيل=ومشعان ابن هذال و الدنداني

وعساف وشليويح وابن طويرش=وسعدون والظلماوي وراكاني

والغيهباني والخلاوي راشد=وابن شريم ومحدى الهبداني

لو باتقصوى ما قدرت احصيهم=واللي ذكرت اثباتي وبرهاني

قبل الاذاعه والقلم والصفحه=تلقاء قصايدهم مع الركباني

واليوم جيل الفاهم المتثقف=جيلٍ نهج بالشعر نهجٍ ثاني

متطورين وطورو فالكلمه=وتغير الاسلوب والاوزاني

متخالطٍ شعر النبط بالفصحى=يا لاح يا ملاحي ويا ليحاني

واخر موديلات القصيد الدارج=قصايد المتولع الهيماني

يبدا القصيد وينتهي في نفسه=انا تراي افلان وابن افلاني

غازي مع امهنا بسيف ومنسف=واليا تعزوى جندل الفرساني

يفتل على بنت الضعيف الشارب=ويقول احب صخيف الذرعاني

مايدري ان اللي يحب ايضحي=العمر ما يغلى علا الخلاني

وهذا حلال القوم ربعه واجد=الله يعافيهم ولا يبلاني

وقصادهم في مجتمعهم كنه=اعمى يوصف له على صقهاني

ويصرحون ان الشعر مدهور=ودواه قطع القلب والشرياني

واللي يسوي مثلهم مايبلش=مشرعه في وجهه البيباني

في مدرسة حوس القصيد يدرس=ويعطى جميع ادروسها مجاني

وحاس القصيد وجاك محدٍ مثله=شاعر ونجم ومبدعٍ فناني

وغارت مع الخيل المغيره شقراء=في كل ميدانٍ لها ميداني

هذا يسمى عابثٍ متجري=والا يسمى ملهي الرعياني

وشعر الحداثه مانحب انقوله=لو جيت اقوله ما يطيع الساني

حومت خياله حومتٍ لاعادت=حول بصيدة طير ابن برماني

صور لهم من فوق فلمٍ مختل=خالٍ من الاشكال والالواني

مثل السنابل فالدفاتر تزرع=والشمس تحكي قصة الحرماني

ولون السماء صفراء وبني فاتح=والارض تمطر والسحاب ايعاني

هذا يبروز صورةٍ محترقه=سلعة فقر من خزنة الفقراني

هذا كلامي واضحٍ ومثبت=الشعر دوله مالها سلطاني

وانا على رايي وكل ورايه=ويسلم على قول الصحيح الساني

وقصادهم في مجتمعهم كنه=اعمى يوصف له على صقهاني

ويصرحون ان الشعر مدهور=ودواه قطع القلب والشرياني

واللي يسوي مثلهم مايبلش=مشرعه في وجهه البيباني

في مدرسة حوس القصيد يدرس=ويعطى جميع ادروسها مجاني

وحاس القصيد وجاك محدٍ مثله=شاعر ونجم ومبدعٍ فناني


صح السااانك يااشااعر ومشكور ع النقل ,,,,,,,,,,,,,,,

مشكور ياشاعرنا

وصح لسان الشاعر خالد بن مدعث

وقصيدة جزله بين حروفها الحقيقه

تحيتييييييييييييييي

صح السان شاعره وسلمت يمناك على النقل

قصيده جيده مع احترامي لشاعرها
ولاكن ماتقارن بالافيات مثل راشد الخلاوي او الشاعر مرشد سعد البذال العجرمي الرشيدي
او صقر النصافي الرشيدي او السديري او سعد الالكلبي او الوقداني العتيبي او بركات الشريف ..؟من الشعراء المعاصرين فقط والشعراء واجد
الشعر يكفي بيت واحد عن قصيده كامله ..؟؟
واحيانا بيت او بيتين قد يكون يتيما ولا يوجد له ردايف ويقفل لمعناه ووصول غاية شاعره من الهدف المنشود .
نعم الشعر موسعه وياتي من هيض او غيض او فيض من العلم .
مع اجمل التقدير والاحترام
القلادي الثابت