سود الليالي

لو تعرف الخطايا كيف كنـت محـروم ... كان سود الليالي يوم طحـت سمحـت

لو هموم المفارق مثـل كـل الهمـوم ... ماتشوفون عينـي بالدمـوع سبحـت

ولو تحن المشاكل عقب حب الخشـوم ... كان حبيت خشـم المشكلـه واستحـت

بس مالله خلقني مـن بكـاي معصـوم ... وادري انه المحاجر لو تفيض افضحـت

والله اني على جرحي صبـور وكتـوم ... لكن ان الدمـوع ان روحـت روحـت

دايم ازعل عليها بـس قلبـي رحـوم ... وهي تموت بعذابي من تحت لي تحـت

بالحلا هي كوم وباقـي النـاس كـوم ... كفـتٍ عادلوهـا بالبشـر وارجـحـت

حسبي الله على اللـي مابغاهـا تـدوم ... من بعد كيف كانت شوف كيف اصبحت

لاتحقـق وصـال ولا فـراق محتـوم ... خطـةٍ قربتنـي للفـشـل وانجـحـت

لعنة العشق تبقى مثل ضرب السهـوم ... لو محى الوقت جرحه صورته ما انمحت

اتمنى ان تنال على اعجابكم

تحياتي

حلمي بحر

صح لسان الشاعر وسلمت يد الناقل

ابداع صح السانك

صح لسان شاعرهـا وسلمت يد ناقلها ولاهنت

صح لسان شاعرها ولاهنت على الذوق الراقي
تقبل مروري وتحياتي

ابيات رائعه صح السان شاعرها