** ((محاورة الشيوخ))**

السلام عليكم ورحمة الله وبركاته ، بهذه المرة لاأكتب مقدمة كالعادة بل أكتب تهنئة للمنتدى ورواده ، بوجود شعراء أمثال خليف الوهيداني وأحمد عبيد الهنيدي 0 هنا ساحة قتالية ألتقى فيها شاعرين من أعلام الشعر النبطي والمحاورة وانطبع لنا مدى موهبة هؤلاء الأبطال من خلالها نكتشف ، أن بيننا شعراء لا يجب أن يذهب ما يقدمونه سدى فمثل هذه المحاورة تحفظ نموذجا لفن المحاورة 0لشاعرين أتيا بصورتهما وأسماؤهم الحقيقية وهذا دليل على الشاعرين لهم وجودهم في مستوى التفوق والابداع 0 أمير الشعر و هامور الشعر في كفة الشعر خليف الوهيداني الليله الليله نبا نلعب لعيب مضيمضاح=ومن اين ماهبت هبوب النود نبغا نسوقها نسري بها الليل الطويل ونستمربها الصباح=وبالعدل ناخذ حقنا والناس نعط حقوقها ******** type="text/**********">doPoem(0)*********** أحمد عبيد الهنيدي احذف حصاتك يالامير وشف مداها وين طاح=العب على كيفك يالين الشمس يبدي شروقها والليله الظاهر عشاء الهامور ما يبغى كفاح=احيان تجي اللقمه لبعض البشر لحلوقها ******** type="text/**********">doPoem(0)*********** خليف الوهيداني اقلط على هداج تيما قدمك الجم القراح=وشتر وبع بالسلعه اللي مايخسر سوقها سوق الذهب ماهو بسوق الطير خفاق الجناح=اللي بعضها تموت مابيعت بوسط سبوقها ******** type="text/**********">doPoem(0)*********** أحمد عبيد الهنيدي والله لترضى يالامير وفي يدي عقد النكاح=وان جيتها ما تلد في غيري نظرها وموقها اقدم على الفنجال واشفه وغيري ما استراح=والدله اللي بارد ٍ فنجالها ماذوقها ******** type="text/**********">doPoem(0)*********** خليف الوهيداني وشبك باليا اسباب ياصاحب تهجم بالسلاح=الناس دون اموالها ياصاحبي وحلوقها وانته مخير بالطريق اللي تبي صدق ومزاح= والشجره اللي تذي العالم تقص عروقها ******** type="text/**********">doPoem(0)*********** أحمد عبيد الهنيدي المعركه ياخليف ما فيها سوى الموت الذحاح=توك ما علتك المزون اللي حقاق ابروقها ان كان عندك علم ذر البيت عن صفق الرياح=حتى الجواهر ما تجيها الريح في صندوقها ******** type="text/**********">doPoem(0)*********** خليف الوهيداني جيناك مافيها كذا ولا كذا والا سماح=وبعض الرجال النقد يلحقها ورا منطوقها لو مانت صاحب لي جازيتك بزحف(ن)ونبطاح= وبعض العرب عدلت عن بعض الكلام شدوقها ******** type="text/**********">doPoem(0)*********** أحمد عبيد الهنيدي انا ادري انك فارس ٍ مقدام ما تهاب الرماح=تعرف مرار الحنضله بالعين قبل تذوقها ما لك علي شرهه ترى الشرهه على الصاحب فلاح=العالم اللي كلمة الرجال منه تبوقها ******** type="text/**********">doPoem(0)*********** خليف الوهيداني المعركه حنا لها يوم النخاوي والصياح=تشهد لنا امثال(ن)يبث افعالنا طاروقها دافعتها حتى الصبر قضابها والسد باح=وهالحين ابا الضحيبها وحط موسي فوقها ******** type="text/**********">doPoem(0)*********** أحمد عبيد الهنيدي ما انته لحالك ياطويل العمر والعلم الصحاح= عبدلعزيز اللي سترها وخاط كل فتوقها عزالله انك غير تبلش بالمجي وبالمراح= ان ماهداك الله شكى واد الرقب ساحوقها ******** type="text/**********">doPoem(0)*********** خليف الوهيداني عبدالعزيز اليوم لاكن قبل بسنين اشحاح=يوم المكاسب بسلاح وعايش(ن)مطفوقها ماهو ملي بطن وسوالف ونبساطه و نسداح=يوم انها صبح ومسا ترم الرجال فلوقها ******** type="text/**********">doPoem(0)*********** أحمد عبيد الهنيدي كسبك لسان الطير يوم القوم ما تطري المراح=يوم الجراد من الذعر يسبق على غرنوقها يوم ان (حضرم) يعتزي يوم الردي عنها استراح = يوم النشامى ريحة البارود في منشوقها ******** type="text/**********">doPoem(0)*********** خليف الوهيداني تجر القوافل راسيه ميهزها كثر انباح=وقو الهواء يصفق جبال ولايهز شنوقها والادمي يسعى وعند الله نصره والنجاح=وانشد عن اللي جابها بين الجبال يسوقها ******** type="text/**********">doPoem(0)*********** أحمد عبيد الهنيدي كان السوالف عطرها ياخليف من ها الباب فاح=حنا حمول الخيل كم كبدن شفينا حروقها لاتكبر علومك ياامير العصر وتعود ضحاح=حنا الجلادان العاديات بما عليها نعوقها ******** type="text/**********">doPoem(0)*********** خليف الوهيداني وانشد اهل دخنه ونشد من سكن وادي نساح=وعن شمر اللي عندنا راحت غزايز نوقها ونعم فيكم بس جحد الطيب كذب و لايباح=والناس ماتاكل فطور الناس مع مرقوقها ******** type="text/**********">doPoem(0)*********** أحمد عبيد الهنيدي عز الله اني ما جحدتك والحقاق برق لاح=لكن حنا المزنه اللي ما تكف بروقها وان ضقت فك زرار ثوبك واتجه لقرب مساح=يحرم علينا زاد الايتام وطعم مسلوقها ******** type="text/**********">doPoem(0)*********** خليف الوهيداني ناس(ن)تثبت قولها وافعالها ماهي ضحاح=وناس(ن)تكبر بسوالف والفعول خروقها وانا افتخر بالطيبين اليوم و ايضا وقت راح=وسوالف(ن)ماهي صحيح اقف لها وعوقها ******** type="text/**********">doPoem(0)*********** أحمد عبيد الهنيدي لاتموح دلوك ينتثر ما ء الدلو من كثر المماح=من الحماس احذر تطق الدلو في طابوقها اركد شوي شوي لا تأخذ حلالي بجتياح=تو النخل مايبس من لفح الهجير عذوقها ******** type="text/**********">doPoem(0)*********** خليف الوهيداني التيس مايفكه من الذيب المثاغا والنطاح=وانا دياري ياحميد كاشف(ن)سروقها والسالفه ماهي مزوح ولاسباق ولا طراح=خل السنين اللي مضت للي قطف زملوقها ******** type="text/**********">doPoem(0)*********** أحمد عبيد الهنيدي شكلك تركبها وترسلها وحمام الشعر ناح=قدام تصلخها تقرب رجلها لمعلوقها السالفه ماهي كذا ياعمنا الشاعر بداح=لاتردها عشرين مره خلها لمعشوقها ******** type="text/**********">doPoem(0)*********** خليف الوهيداني خلاص انت اللي عقيد القوم ومصف المراح=سولف وانا الكذبه الرقعها وخيط شقوقها ولاقلت هي صدق الفعول اقول جزلات وملاح=مالي دخل بالناس خانقها ولامخنوقها ******** type="text/**********">doPoem(0)*********** أحمد عبيد الهنيدي ماهي على كيفك يابو فيصل لا يامال الصلاح=يالي تبا تخيط بلاها براسها وشنوقها الباب قفل لو تبا ترجع رجوعك مايتاح=بكره تعرف السالفه وابعادها وفروقها ******** type="text/**********">doPoem(0)*********** خليف الوهيداني عطني علومك انت وش سويت في بذر القاح=بالنخله اللي مثمرت طول السنين عذوقها والدله اللي سقتها ليظف وهو مستراح=والظيف عاف الدله اللي ماتعد اطقوقها ******** type="text/**********">doPoem(0)*********** أحمد عبيد الهنيدي يالي ادور للتمر كل الحنك عند ك جراح=وشلون تأكل والثنايا ملتوي عصلوقها اثرك راع دلال ياخليف الوهيداني مباح=اسلم وسلملي على المقداد في طاروقها ******** type="text/**********">doPoem(0)*********** خليف الوهيداني انا خايف عليك يصير بالمخ انصطاح=لا كلتك اكلت هنودن فلفل(ن)مسلوقها ويصير لدعوى عليه منك الامت انفتاح=وترحل شهيد وبالحياه ابقى انا مزنوقها ******** type="text/**********">doPoem(0)*********** صح لسان الأمراء وبيض الله وجيهم منقووول

طيار اسمحلي انت تجهل الشعر
خليف الوهيداني شاعر نبط جزل ظعيف بالمحاوره
احمد الهنيدي شاعر معتدل بالمحاوره والنبط
تقبلو تحياتي ونقدي بصدر رحب

هاذي محاوره من الوزن الثقيل صح السان الشاعرين القديرين وتسلم يمين ناقلها عبر هذا الموقع المميز موقع الجميع ولكم تحياتي