ياليل انا لي معك عهـد ومواثيـق=ولولا العهد كلٍ مشى فـي سبيلـة
الياضويت ارقا بروس الشواهيـق=شـم الجبـال النايفـات الطويلـة
امثال سلسلة السـراوات وطويـق=صعبه ولكـن ماهـي ابمستحيلـة
بفروعها اقطف من زهور الزماليق=اللـي توصـف للكبـود العليلـة
اللي عليها المرزمـات البواريـق=تهـل كـل الوسـم يومـه وليلـة
من شان وافين الشبور المطاليـق=اهل المواقف مسرجيـن الكحيلـة
اللي تميز بين مـرزوق ورزيـق=ولايجرمون المتهـم مـع زميلـة
اتعب واعاني واسهر الليل واضيق=ولاارضى يجي بين الاصايل دخيلة
والشعر وزن ومفردات وطواريق=احدٍ يشيل الشعـر واحـدٍ يشيلـة
يا راكب اللـي مابقيـره تعاشيـق=فـي عامـه الاول جديـدٍ مديلـة
لونه يشابه لون ريـش الغرانيـق=البازعـي بالمملكـه هـو وكيلـة
عن بسمة الحاسد وهرج المطافيق=لعقة عسـل بكبودهـم حنضليلـة
عطوه لكن ماهي بعطوة مخاليـق=عطيـةٍ مـن عنـد راع الفضيلـة
اللي لياصكـت عليـك الغواليـق=مافيـه غيـره واحـدٍ تشتكيـلـة
مسراه وفقه من خيـار التوافيـق=مع ديـرةٍ فيهـا يضيـع الدليلـة
دارٍ عليهـا خافقـي والمعالـيـق=خليل في لحضـة مـوادع خليلـة
يادار كـان الكـل دارٍ عشاشيـق=عزالله انك عندي اجمـل جميلـة
لكن اطيق ونـوب يـادار ماطيـق=من نظرتك ياام العيـون الكحيلـة
نظرة عيونك ياغلا تنشف الريـق=بيـن الحصـون الباليـه والنثيلـة
فهمت من نظرة وسـاعٍ محاديـق=وصمت الشفايف واكتراث الجديلة
عن ماتكنينـه بوسـط الصناديـق=على فراق اغلا زمـان وفصيلـة
نتائـج الواقـع بـدة دون تحقيـق=فيها علامات الرضـى مستحيلـة
على محيـا اللـي كنفهـا تفافيق=ـوخيل وقنا ورهاف علـطٍ صقيلـة
يوم الزمان اللي يصافق تصافيـق=لهم سرايـا مـع سرايـا القبيلـة
يـادار كـلٍ ذم وقـت التفاريـق=وكلٍ خذا من ميلة الوقـت ميلـة
خليف قبلي يغمض العيـن ويفيـق=نوبٍ صبور ونوب يضهر حفيلـة
لكن جعـل المرزمـات الدواليـق=تنهل من فوقـك مخيلـة مخيلـة
******** type="text/**********">doPoem(0)***********
وسلامة الجميع
حاصل على ترخيص من وزارة الثقافه والاعلام السعودي
زهور الوســـــــــــــــم
العرض العادي
