وضاح اليمن يطلب من جديد

اخواني اداره مراقبين مشرفين احييكم بتحية الاسلام
اخواني بني رشيد عبس اطلب من الله ثم منكم اعطائي لقب العمده رقم2 حيث سبق وان طلبت شاعر عبس رقم 2 ولاتوفقت في هذا الطلب واليوم الاسم ذا شاغر ماهو لاحد ارجو الموافقه

طلبت شاعر عبس رقم اثنيني= وعيو عليه وقلت بالامر خيره
واليوم اكرر مطلبي مرتيني= ولبو طلبنا يالوجيه السفيره
مطلونا عمده وربي يعيني= عمده برقم اثنين ماهي كبيره
اكيد ابو تركي يبيله عويني=اهوه بديره واليماني بديره
الشعب واجد من يسار ويميني=والعمده الواحد مايقدر
يديره
اهو معمد للمواقع سنيني= وانا عوينه باليال العسيره
انقسم الواجب مابينه وبيني= ومن غاب يكفي في مكانه عشيره
ونكان وافقتم تريح كنيني= واليا رفضتم جبت مطلوب غيره
والله ماجنب لين يفرح جبيني = وطير السعد فوقي يكوسر
مطيره
واللي على حقي يبا يبتليني=ماعد اله عندي ياغير الذخيره
امشوكن للي حداه القريني = عضمن يحوشه ماتلمه جبيره

******** type="text/**********">doPoem(0)***********

وعليكم السلام واهلا بوضاح اليمن السعيد وربي يحييه
بالنسبه لي انت تستاهل اكثر من هذا اللقب واذا تبي الراي خلهم والقابهم واطلع لك بلقب جديد فتكون متبوع غير تابع ولا تنسى اننا في وقت الاعلام والبقيه تاتي--تحيتي لك وتقبل مروري

خلني امغطك بطاروق ياليماني واعطيك لقب يصلحلك احسن من اللقب اللي انت طالب هههههههههه

هههههه صح السانك يالزيدي والله يستر من طلبك الي بعده والا طلبك هذا مرفوظ مافيها روح تعال

يابو يمن لاتبلش المسلميني = فالاوله والثانيه والاخيره
مره تبي شاعر وفنجال صيني = ومره تبي عمده ومره وزيره
وش قصة ام السالفه والرطيني =وش جسرك يم العلوم الخطيره
وشلون كبرة هقوتك ياحبيني = والشمس صارت في عيونك صغيره هههه
هو ليه ماترضي بحكم السنيني = وترعا شياهك جعل ماهي نويره هههه
ولاعاد مره تبلش المسلميني = وتنسي العلوم الاول والاخيره

******** type="text/**********">doPoem(0)***********

ونكـان وافقتـم تريـح كنينـي
واليا رفضتم جبت مطلوب غيره
والله ماجنب لين يفـرح جبينـي
وطيـر السعـد فوقـي يكوسـر مطيره

يعني مافيه امل تكف عن طلباتك ابلشك الله د
مالنا الا نقول ماقاله مستشارنا تستاهل
وعطوه تكفون ياربع

يالربع الاعشي هو مايشوف والا ماينشاف من شان اغير هالاسم والا اثبته

صح السانك يابو يمن ما شاء الله تبارك الله تغرف من بحر عيني عليك بارده
هذا الطلب انا تكلم عن نفسي فقط امره في يد االعمده ابو تركي حسن اخلاقك مع
ابو تركي او زوجه مثل المهترش ايه ونخوك ادهن السير ويسير
وفقك الله وصح الله السانك والله انا ودي ارد على كل موضوع لك يابو يمن وانا من جمهورك
لكن تخبر اشغالي كثيره وسفرات كثيره الله يعين وانا الان ارد على الموضوع من العاصمه الرياض
دمتم بحفظ الله ورعايته

اقتباس:
المشاركة الأصلية كتبت بواسطة الاعشى
هههههه صح السانك يالزيدي والله يستر من طلبك الي بعده والا طلبك هذا مرفوظ مافيها روح تعال

يابو يمن لاتبلش المسلميني = فالاوله والثانيه والاخيره
مره تبي شاعر وفنجال صيني = ومره تبي عمده ومره وزيره
وش قصة ام السالفه والرطيني =وش جسرك يم العلوم الخطيره
وشلون كبرة هقوتك ياحبيني = والشمس صارت في عيونك صغيره هههه
هو ليه ماترضي بحكم السنيني = وترعا شياهك جعل ماهي نويره هههه
ولاعاد مره تبلش المسلميني = وتنسي العلوم الاول والاخيره

******** type="text/**********">doPoem(0)***********





صح السانك يالاعشى لله درك

الله يعين ابويمن عليك انت وشاعر الشمل

اقتباس:
المشاركة الأصلية كتبت بواسطة ابوعبدالمجيد1
وعليكم السلام واهلا بوضاح اليمن السعيد وربي يحييه
بالنسبه لي انت تستاهل اكثر من هذا اللقب واذا تبي الراي خلهم والقابهم واطلع لك بلقب جديد فتكون متبوع غير تابع ولا تنسى اننا في وقت الاعلام والبقيه تاتي--تحيتي لك وتقبل مروري



شكرا ابو عبد المجيد وبيض الله وجهك وكثر الله من امثالك

اقتباس:
المشاركة الأصلية كتبت بواسطة ذيب الفيافي
خلني امغطك بطاروق ياليماني واعطيك لقب يصلحلك احسن من اللقب اللي انت طالب هههههههههه


جعله يمغطك المشوك اللي يفك البدو وحلالهم منك ههههههههههه