بديت باسم مــكون أدم مـن الطين
الـواحـدالمـعبود رب البــريــه
ومن بعد ذكر الله قست الموازين
بامر(ن) نظرته نظرة شاعريــه
أمر(ن) يهتزله كبار السلاطين
وبهتز بهذا الامر كل الرعيــــه
شي مايفعله غير المريضين
مــرض نفاق وحقد ومــكرهـيــه
السالفه تشبه قضية فلسطين
قضيتن ياكبرها من قضيــــه
قومولهايااهل بلاد الحرمين
مسبة بالدين والله قويـــــه
سبو رسول الله وسبوا هل الدين
ويتفاخرون بنشرة عالميه
نعم هم كفار وايضا مجانين
يقولون هذا صح مافيه زيـــــه
الفعل هذا من غواء الشياطين
ما يفعله ياغير راعي الرديــــه
ياشعب هاالاسلام من وين ولوين
انصر رسولك دام لك مقدريــه
ماني مولعها مابين طرفين
حــــــلول سهله ماتجيب الاذيــه
وأرسل كلامي للرجال العززين
في كلمة قبلي ولاهي خفيه
قاطع ماينتج هاليهود الخسيسين
من كل نوع أن كان عندك حميه
ويالله ياعالم بحال المساكين
تقبل دعاتي بالصبح والعشيـــه
أبدعي وأنتم فولوا أمين وامين
يالله من ينصره بعيشه هنيــه
ومن هو سكت عدوه ضمن البغيضين
تجعله يالمعبود بحاله شقيه
محبتك تبغى دليل وبراهين
وأنا فداه بكل ماهو بليــــــه
وختامها صلوا صلت المصلين
وأقرو كتاب الله وسنة نبيــه
|