جور الزمان وجحيمه لشاعر عبس سعدان بن عابس

جـــــــور الزمات وجحـــــيمه

يا شاكياً جور الزمـان وجــــحيمـه=يا من كواه بميسم الوقـت همـه
شكواك نوب من الهزيمه هزيمـه=كف الشكا والسر بالصدر ضمـه
ليا ونست من دنياك ظيم وهضيمه= وضاق المجال بكـل فـج ويمـه
واحترت والحيلات صارت عقيمه=اجمع شتاتك فـي بيانـك ولمـه
واشتك على محيى العظام الرميمه=شكـواً لغيـر الله ذل ومذمه
الناس لوشفت المظاهـر وسيمـه=يا قل من حالـك وهمـك يهمـه
تغيرت بعـض الامـور القديمـه=حتى القريب يهون لحمـه ودمـه
راحو مسنيـن السلـوم السليمـه=تسعين بالميئة مـن الحـي رمـه
ناس لهم بالغش والغـدر شيمـه=عاشو على همزه وكسره وضمه
هذا زمـان الزركشـه والنميمـه=ياصاح وانت بمـا تسميـه سمـه
تحوم بحماه الضوامـي محيمـه=وتمسي ضمايا فيه والبيـر جمـه
وقت خبايـاه الوخيمـه وخيمـه=بكمه وصمه غير بكمـه وصمـه
وين الصديق اللي غريمك غريمه=اللي تخصـه بالامـور وتعمـه
فعله وطيب جبلته مـن صميمـه=راع المواقف بالامـور المهمـه
اللي يطـوع راسهـا بالشكيمـه=مواقفه تجلى عن الـروح غمـه
يالله يامن صـار موسـى كليمـه=يافالـق عنـه البحـور المطمـه
ياحافظه من سو غـدر الجريمـه=وباليـم تابوتـه حفظتـه بيـمـه
تفرج لمن كود الليالـي يضيمـه=وفكره يتـوق وكـل فـج يخمـه
مشغول باله عـن منـادم نديمـه=مما يحسه فـي خفـاه ويضمـه
رجل يجاهد حسرتـه بالعزيمـه=يوم أن له مبـدا وهقـوه وهمـه
للحق ما نقص للاجـواد قيمـه=حي الضمير وفيه رحمه وذمـه
لياغط نور الحق خطو الهليمـه=اللي تناسى سلـم خالـه وعمـه
خطو الخمام اللي سوات البهيمـه=اللي يزوم وكبـر نفسـه يزمـه
خبل يحسب أن المكابـر غنيمـه=ما يدري أنه ينقصـه مـا يتمـه

******** type="text/**********">doPoem(0)***********
شاعر عبس / الشاعر سعدان بن عابس الرشيدي

صح لسان الشاعر سعدان بن عابس

وشكرا علي النقل الجميل

قريت الكثير وسمعت الكثير من قصائد الشاعر سعدان عابس
ولم اجد اقوى واجمل واروع من هذه القصيده
هذه القصيده قليل ان تجد من القصائد مايقارب مستواها
في هذه القصيد الكثير من الحكم والتوجيه والنصح
اسئل الله العلي القدير ان يشفي الشاعر سعدان بن عابس
والف شكر اخي ابو عبيد على هذا النقل وهذا الاختيار
الذي يدل على ذائقه شعريه رائعه .
تقبل مروري .

هذه القصيده قليل ان تجد من القصائد مايقارب مستواها
في هذه القصيد الكثير من الحكم والتوجيه والنصح
اسئل الله العلي القدير ان يشفي الشاعر سعدان بن عابس
والف شكر اخي ابو عبيد

شاعر حسب ماسمعت عنه غني عن التعريف صح السانه وشكر لناقل

ماقصرت ابوعبيدوصح لسان الشاعرسعدان عابس وشفاه الله من مافيه

اشكر جميع الاعضاء الذين علقوا على المشاركة
واسئل الله ان يتقبل دعائكم لابو وليد ويتم عليه لباس الصحة والعافية
لكم جزيل الشكر
ولكم من درر ابو ليد الشي الكثير
في وقت قريب على موقع الجميع



ابو عبيد

اسئل الله العلي القدير ان يشفي الشاعر سعدان بن عابس
والف شكر اخي ابو عبيد على هذا النقل وهذا الاختيار
الذي يدل على ذائقه شعريه رائعه .