بسم الله الرحمن الرحيم
اخواني واخواتي الافاظل اعضاء موقع الجميع والزوار الكرام
هذه القصيده ارسلت على جوالي من احد المقربين للشاعر القدير
عبدالرحمن خنيفر الرشيدي شفاه الله
وطلب مني نشرها في موقع الجميع واهي اهداء الى
الشيخ الاستاذ زميلنا الغالي ابو مبارك عادل بن هون الذيابي
تعال يالتاريخ هات التفاصيل=عن الشيوخ أهل القلوب النظيفه
قل الشيوخ إقروم هون الحلاحيل=الصلصله تنبيك من دون خيفه
تقولها بعزه وهيبه وتبجيل=هنا شيوخ المجد ماهي وصيفه
لو كان يدري ابرهه راعي الفيل=عنهم مجا مكه ولا سل سيفه
الصلصله مدهال كل الرجاجيل=وشيوخها اهل الدروب العفيفه
وخصيت عادل بن سعد صفوة الجيل=زبونها كل الامور الكليفه
سلام ياعادل وأثنيه تدبيل=واعداد ماحيا الذيابي بضيفه
شاعر بعيد الشوف فعله تهاويل =شاعر بيوته كا الجبال المنيفه
والليل والبيداء والسيف والخيل =والرمح والنخوه وتقوى حذيفه
اشياء وصفيه وأشياء تدليل=من بعض ابو مبارك نظيف الصحيفه
ولجيت في مجلسه تلقاء المعاميل =ولاتلحقك شكه ولااتجيك خيفه
ولايقلط الاالعود ويذبح الحيل =كنه موظف بالمكارم وظيفه
ورثها من شايب على ذكره تسيل =كل الدموع اللي هدفها شريفه
سعد علي مزبن جميع المداخيل =شيخن اقوم من المعزه لطيفه
بينك وبين ابو لو صار تحليل =تلقاء الخلايا مع بعضها وليفه
واليوم ياعادل لفتك المراسيل =والحرف في شرواك ماهو حسيفه
من شاعرن بحروفه يسابق الميل =وتقرا حروفه كل عين كفيفه
******** type="text/**********">doPoem(0)***********شعر عبدالرحمن خنيفر الرشيدي
حاصل على ترخيص من وزارة الثقافه والاعلام السعودي
قصيده اهداء الى الاستاذ القدير عادل بن هون الذيابي من الشاعر عبدالرحمن خنيفر الرشيدي
العرض العادي
