قصيده للشاعر منيف بن محمد بن عنيزان

السلام عليكم ورحمة الله وبركاته

اخي الزائر الكريم

هذه قصيده للشاعر منيف بن محمد بن عنيزان القلادي

وهو من الشعراء الشباب المبدعين في ميدان المحاوره وفي شعر النظم

تشرفت في هذه الابيات المرسله منه لي ويشرفني نشرها في موقعي

وعتبرها وسام وشهاده اعتز فيها ويشرفني ويسعدني مروركم وطلاعكم

يقول منيف

قالوا ليا ضاقت من اللي تجيله = قلت الله المعبود ثم ابن عطران
غازي مناور مايمد الهزيلة = وقفات غازي ماتقدر بالأثمان
سلام ياشيخ يشيل الثقيلة = ياعزوتي يا مسندي ياكحيلان
قد المواقف لو تشب الفتيله = وقد المواقف لو رقص كل شيطان
نسل الرجال اللي تروس القبيله = أفعالهم بالطيب من ماض الأزمان
وأهل الشجاعه والسيوف الصقيله = وأهل المروه واهل سنان وعنان
ولااجيب لي علم بليا دليله = ولااقول لي قول على غير برهان
تكفى تساعدني بكل الوسيله = تكفى يابو يوسف ترى القلب ولهان
البرق يبرق ماقدرنا نخيله = يبرق على الرقعي ليا حد خيطان
واختصرها وأنت شاعر قبيله = ياعزوتي يامسندي يابن عطران

******** type="text/**********">doPoem(0)***********

توضيح ابـن عطـران هو لقلب للفارس الشاعر عاصي بن عطران وهو من فرسان وشعراء قبيلة بني رشيد
قبل حكم ال سعود وهو عمي رحمه الله

يقول عاصي بن عطران في احد قصايده المشهور ه

عديـت فـي راس الطـويـل المشـفـي=حزت غيوب الشمس والشوف داني
ماجـان مـن مظنـون عيـنـي املـفـي=ولاطــارشً مــن دار خـلــي لـفـانـي
الله عـلــى الـــي لسفـيـفـه تـظـفــي=ومــوزره غـيـر الحـقـب والبطـانـي
ياسمـيـر مـــاوالله علـيـكـم انـخـفـي=اول صـبـرت وتـالـي الصـبـر بـانـي
عـسـى الحـيـاء لـديـار بـنـا يضـفـي=مـن واردات الحمـر لخشـوم أبـانـي
ماشفـت يـوم ان الهـواء لــه يلـفـي=لـــه بـعـبـج ولاعـشـيـري شـنـانــي
البـيـض فـيـهـن مـارتــن ماتـخـفـي=ياهل الهواء ياهل القلـوب الفطانـي
فيهـن كمـاء القرقـوح لـلـي مشـفـي=لصـار صايـم فـي نهـار الرمضـانـي
وفيهن كمـاء تمـر الحلـى يـوم دفـي=تمـر الغريـس اللـي عليـه الدهـانـي
وفيهـن عـويـر الـدقـم لـوبـه تـرفـي=تـظـهـر خفيـتـكـم بـطــول الـسـانـي
وفيهـن كمـاء الكلبـه عليـكـم تلـفـي=وتفـرح الياشافـت مصيبـت زمـانـي

******** type="text/**********">doPoem(0)***********

ويضا يقول رحمه الله

عديـت فـي راس الطويـل ابـو برقـاء=بجضـاع فـي راس الطويـل المهايـف
وانـا جنـوب ونـاب الارداف شـرقـاء=وعقب الطمع صارت طموح وعايف
واحــن قـلـبـي بـالـدجـا حـــن ورقـــا=وحالي غـدت مثـل الجريـد السنايـف
حطيت لـه عـن جملـة البيـض فرقـاء=زرعً زرعـتـه للـقـلـوب الصـخـايـف
واخيل برقاء ومن وراء البرق برقاء=ولااني علـى المقفـي كثيـر الحسايـف
وقالـت فـراق وقلـت يـاشـوق فـرقـاء=يـاشـوق يافـرقـاء الحـمـام الـولايــف

******** type="text/**********">doPoem(0)***********

مشكور يابن عنيزان على هذه القصيده وليس مستغرب عليك الأبداع
وغازي البراك ونعم

الله يبض وجهك علي القصيده الجزله وبو يوسف يستاهل ونت مسندها علي شاعروكريم ولكل مافيكم حيله وتقبلو تحياتيييييييييييي

االفااارس واالشاااعر عااصي ابن عطران ااشهر من نااار على علم وفعلا هذاا الشعر االحقيقي

والغزل االعذري




عديـت فـي راس الطـويـل المشـفـي
حزت غيوب الشمس والشوف داني
ماجـان مـن مظنـون عيـنـي املـفـي
ولاطــارشً مــن دار خـلـي لـفـانـي
الله عـلــى الـــي لسفـيـفـه تـظـفــي
ومــوزره غـيـر الحـقـب والبطـانـي
ياسمـيـر مـــاوالله علـيـكـم انـخـفـي
اول صبـرت وتـالـي الصـبـر بـانـي
عسـى الحـيـاء لـديـار بـنـا يضـفـي
مـن واردات الحمـر لخشـوم أبـانـي
ماشفـت يـوم ان الهـواء لــه يلـفـي
لـــه بـعـبـج ولاعـشـيـري شـنـانـي
البـيـض فـيـهـن مـارتــن ماتـخـفـي
ياهل الهواء ياهـل القلـوب الفطانـي
فيهـن كمـاء القرقـوح لـلـي مشـفـي
لصـار صايـم فـي نهـار الرمضـانـي
وفيهن كمـاء تمـر الحلـى يـوم دفـي
تمـر الغريـس اللـي علـيـه الدهـانـي
وفيهـن عـويـر الـدقـم لـوبـه تـرفـي
تـظـهـر خفيـتـكـم بـطــول الـسـانـي
وفيهـن كمـاء الكلـبـه عليـكـم تلـفـي
وتفـرح الياشافـت مصيبـت زمـانـي

الله يبض وجهك علي القصيده الجزله وبو يوسف يستاهل ونت مسندها علي شاعروكريم ولكل مافيكم حيله وتقبلو تحياتيييييييييييي