حبك تمكن بقلبي لين خلاني

بروق المشاعر تلوح ونوها احياني
يوم ارتزم راعده والشوق هو هله
من فوق خيل الغرام وذود الاشجاني
سيف الهوى من جفيره لاجلك اسله
ونظمت بأسمك من طروقي وقيفاني
وانساقت اعظم قصيدة حب لك كله
قمت اكتب حروف حبك قبل تقراني
وباجمل زهور المعاني نسق سله
اترجم مشاعر غلاك بنبرة لساني
وعلى ابيض الطرس حرفي انتثر فله
وغنيت باسم المودة عذب الالحاني
ارجي عسى لحن حبك يبري العله
حبك تمكن بقلبي لين خلاني
لو يذكر الحب من دونك انا امله
في شوفتك فرحتي يا قرة اعياني
انسى همومي ولا افكر بها لله
ملكتني يا بعد حيي وحياني
حبك عزا قلبي المجروح واحتله
ما ارضى بدالك حبيب لو تمناني
وان أظلم الوقت قلبي دربك يدله
مجود على حبكم بيدي واسناني
وخطام حبك يقود القلب ويتله
وردت حوضك ولا صدرت روياني
ياكود عرق الموده قطرك يبله
القلب ضامي بقيظ الهجر عطشاني
فجر عيون الوصل للضامي يعله
اقدع غرامك بشوق شب نيراني
من فوق جمر الغلا زهبت لك دله
تبي تعرف الهيام لوين وداني
ان شفت غيرك بعيني عدها زله
وظروف حبك مذيل لي بعنواني
والرمز عشق به الساعي عرف من له
الحب بندق وقلبك صار نيشاني
يالله عسى بندقي لا ثارت تخله
منقووووووووول

مرحبا بالجميع

الحب من اول نضره وانا اقول من اول كلمه

صح لسان الشاعر
وسلمة يد الناقل

الله الله معاني غزل
حلوه ومطلوبه من أسيرالحب

صح لسان الشاعر
ومشكور اخوي اسير الحب على النقل

قصيده غزليه عجبتني صح السان شاعرها ويسلم ناقلها
والمعشوقه اسمها هله

صصصصصصصصح لساااااااانك