هبت شماليه وزاد الهوى برد
في ليلةٍ فيها الزمان التفت لي
مغير أنا والليل و الجمر والبرد
وجرحٍ عقب هاك المواقف نبت لي
أدرج الحيله وتمشي على حرد
و تزيد بالعوجه لقلت إستوت لي
غيضي جماعاته ورى خافقي ورد
و كواكب إهمومي بليلي هوت لي
جالس وتفكيري ورى أفكاري الشرد
و أحلام عمرٍ عمرها ماصفت لي
لامالكٍ صره ولا مالكٍ خرد
ولاني خصيم الناس لو خاصمت لي
ولا لاعب إقمارٍ ولا حاذفٍ نرد
ولا أقص رجلي كان ماسجلت لي
الحال مستوره ورى ثوبي الجرد
والناس ماتدري بركضي و ختلي
مثلي مثل غيري دخل ساحة الطرد
و أنا الذي طرت مالا طرد لي
خشفٍ لطيف إصخيف بعيونه الغرد
منيتٍ دعيتها وإنتدعت لي
الخد قمرا و الشفايف من الورد
من غير قصدٍ في ناوي بقتلي
حال الزمن دونه وثم إنسرد سرد
وأبطى مشافه و السواه إنعمت لي
هو راح بالراحه و أنا طلقة الفرد
تشقني لامن عينه طرت لي
محبوب و أحبه و ثوب الهوى صرد
والعمر طرف و الزمان إلتفت لي
الشاعر / بركه صالح الخياري[/quote]
حاصل على ترخيص من وزارة الثقافه والاعلام السعودي
قصيده من الارشيف
العرض العادي
