شيخـــت كرم للشاعر محمد بن مرزوق القحيم الرشيدي

قصيدة مهداه للشيخ / محمد بن عبيد بن عقيل العجوني بمناسبة الحفل الذي اقامه بمحافظة المجمعة
تكريماً للشاعر / حماد بن عايد الخريصي الشمري

بديت باسم منزل الشوف بالعين=اطلب رضاه ورحمته والمعونه
أنه يوفقني على المنطق الزين=في مدح شيخاً ماتعذرته دونه
ماشيخته بختوم ولاملايين=شيخت كرم يندي الشحم من صحونه
يفرح لياشاف الطراقي ملفين=ويضحك حجاجه قبل لايصلونه
وليا وصلو رحب هلا والف وهلين=ثم دخلو بيتاًماتهدم ركونه
وزين لهم من غاليات المثامين=بناً من الخولان يستاردونه
والهيل فاخر غالياً بالدكاكين=لاخالط الخولان يعجبك لونه
والعود الازرق دار بين الحشيمين=جاوي وكمبودي وهذاددخونه
والياتعفوا وستراحو من البين=قلط عشاه وقال تستاهلونه
كبشاً مقرحن حجمه بحجم كبشين=قد تعب اللي بالصحن ينقلونه
على الصحن متفيحِ يسار ويمين=مرباه طيب ومعروفاً زبونه
زبونه محمد طليق الحجاجين=محمد بن عبيد ماتجهلونه
شيخاً يبرك لضيوف البعارين=طبعه كذا كريم للي يجونه
في واجبه لو ياخذ الدين بالدين=عليان لثقل حمل يركي متونه
ابغى امدحه ون عارضوني مساكين=اقول فعل الشيخ ماتفعلونه
هذا كريم اسبال عون المقلين=بينه وبين الطيب خوه ومونه
وهذا من اللي يوم وجه الزمن الشين=المال دون اوجيههم يرخصونه
وهذا من اللي بالجمايل مضرين=اللي بغوه بطيبهم ياخذونه
وهذا من اللي يلحقون المخلين=ومن لاذ سد وجيههم يحتمونه
والبيض من ماض الليالي وهالحين=تبقى لهلها والمهونه مهونه
والشمري حماد وصى بثنتين=لامن حام اللال يبسة شنونه
خوة رشيدي والتجارب براهين=خويهم بعيونهم يحفظونه
وفزعت عتيبي سقم عين المعادين=الطيب أهل الطيب مايجحدونه
ومن دون قاصر بالمطرف ولادنين=أهل الوفاء ماقدموا ياجدونه
والعذر لله ثم لك يابن عجوين=أن كان فيه قصور منك المعونه
وقبل الختام ادعو معي قولو امين=يشفي ملكنا ويحماه ويصونه
ويرجع معافى في بلاد الحرمين=والشعب في شوفه يكحل عيونه
وصلو على اللي بين الحق بالدين=مالاح براقٍ وهلت مزونه

******** type="text/**********">doPoem(0)*********** الشاعر /محمد بن مرزوق القحيم الرشيدي

صح السان الشاعرالقدير/محمد القحيم
قصيدة وافيه من شاعر وافي غني عن التعريف
ويستاهل المدح الشيخ/محمد عبيد بن عقيل
ولايستغرب الطيب والكرم من اهله
وشكراً لك على النقل يابو عبيد
تقبل تحياتي ومروووووري

صح السان الشاعرالقدير/محمد بن مرزوق القحيم
دائماً مبدع يابو صقر
قصيدة وافيه من شاعر وافي غني عن التعريف
ويستاهل المدح الشيخ/محمد عبيد بن عقيل
ولايستغرب الطيب والكرم من اهله
وشكراً لك على النقل يابو عبيد

صح السان الشاعرالقدير/محمد بن مرزوق القحيم
قصيدة وافيه من شاعر وافي غني عن التعريف
ويستاهل المدح الشيخ/محمد عبيد بن عقيل
ولايستغرب الطيب والكرم من اهله
وشكراً لك على النقل يامراقبنا ومشرفنا القدير ابو عبيد

صح الله لسان الشاعر /محمد بن مرزوق القحيم الرشيديقصيدة جزله من شاعر جزل
والشيخ / محمد بن عبيد العجوني يستاهل المدح الله يطول عمره فعله يبيض الوجه
ومشكور يابو عبيد على النقل
تقبل مروري وتقديري

ابو عبيد يعطيك العافية على النقل الاكثر روعة


وصح لسان الشاعر الكبير محمد مرزوق

واللة يعطيك العافية على الحفل الاكثر من رائع

أشكر الجميع على المرور والشيخ/محمد عبيد العجوني يستاهل أكثر
ولكم تحيييييييييياتي

صح السان الشاعر /محمد بن مرزوق القحيم الرشيدي قصيدة جزله من شاعر جزل
والشيخ / محمد بن عبيد العجوني يستاهل المدح الله يطول عمره فعله يبيض الوجه
ومشكور يابو عبيد على النقل
تقبل مروري وتقديري