محاوره من العيار الثقيل بين الشاعر سعدان بن عابس شفاه الله والشاعر عبدالله العير يرحمه الله
يبداها العير بموااااااااااااااال .....
عبدالله العير....
تعال هالحين ابعلمك بعلومي .......لاتحسبني رقدت وقمت من نومي.....منته من الخير يابو خير محرومي......... والبث عبر القنوات الفضائيه.,,,,,,,,,,,,
شاعر بني عبس واجه شاعر مطيـــر...............عند العوازم على منزحت الحريبي
إن كان لك قدرتن تركض مع العيـــر .............. خلك هنا لا تغادر يـــاحبيــــــــبي
سعـــــدان بن عابس.....
يالعير لازم تشيل العفش والحله........وأشوي يأتيك مصدوق الخبر كله......لو ان ماذكر به عير (ن) على المله........... والبث عبر القنوات الفضائيه...,,,
شاعر بني عبس ماله نية (ن) غيــــر............تطيّب ولاّ لعلك ماتطيـــــــــــبّي
منته بداري عن كتاب التفاسيـــــــر...........إفطن لعلمك وقافك لا يشيــــــــبي
العيــــــــــــــــــر...............
انته نشوفك من البارح يورالك..........ماباقى الا تحكم الديره الحالك.......كانك تبا الشيل خل العير يشتالك.............. ويصورك في القنوات الفضائيه...,,,
تراك سعدان منته بسالم الزيـــــــــر.............لحيتك سوداء ولا فيها غريــــــــبي
لا تسرق المخلب الي في يد الطيــــر..........تظلم نصيبك يا مردي النصيــــــــبي
سعـــــــــــــــــدان................
شبه الجزيره تراها كلها ليــــه............ قدام تخلق ودولتك السعوديه.......وانته مطيري وعينك للمطيريه............... والبث عبر القنوات السعوديه..,,,,,,,,,
كان انت يا عير منت معين(ن) خيـــــــر.............والله لعالجك بعلاج الطبيــــــبي
انت معطلك قول عوير وصويـــــــــــــر............لاني صحيبك ولا مثلك صحيـــبي
العيــــــــــــــــــــر.........................
يهب ياهالرشيدي ياكبر كبده..........لكان وادجته لو ازهم النجده..........مانيب بخابر لك الا هجرة(ن) وحده............ مصوره بالقنوات الفضائيه,,,,,,,,,,,
مالك حصان(ن) سبوق ولا لك بعيــــر................دور بني عبس ربعك وش تبيــــبي
امطير بالهوشه اضفر من زمهريـر...............صنف وموّل وجيب اللي تجيـــــبي
سعــــــــــــدان....................
انت يروعك سفتي نجدت الشرطه............وانا لك الليله الورطه مع الورطه........ شف راعي الخرط واخذ العلم من خرطه............و البث عبر القنوات الفضائيه.,,,,
اليا مسحتك مثل مسح الطباشيـــــــر............تصبح كذا لا تبين ولا تغيــــــــبي
ماودي احط لك جنحان وطيــــــــــــر...........لين اني اعطيك شي من حليــــبي
العيــــــــــــــر....................
الضاهر انك يابو عابس تحراها ............... حنيت يديك حن(ن) غير حناها.........لكان لابد دورها وتلقاها.............. والبث عبر القنوات الفضائيه.,,,,,
امسح على ورعك اللي عندك صغيــــــر............كانك تبا العير عانه في الجليبي
احلب حليبك وحطه في القواريــــــــــــر............يغنيك قدام لا ترد الجليـــــــــــبي
سعـــــــــــــــدان...............
انته بحفلة رجالن تكرم العاني.........ولاّ ترى نهايتك ترقص على لساني.........لازم تعرف الكلام وعلم سعداني............والبث عبر القنوات الفضائيه,,,,,,,,,
نبى نشدك مثل شد المسامير.........ونقطعك من شعيب اليا شعيـــــــبي
منته بمحتاج تطويل(ن) وتقصير.......هذا انت لانته بعيد ولاقريــــــــــبي
محاوره لعمالقة من عمالقة الشـــعر ونقلتها بيـــــــن ايديكم
حاصل على ترخيص من وزارة الثقافه والاعلام السعودي
موال بين سعدان عابس وعبدالله العير
العرض العادي
