تغطية عشاء محمد بن عبيد بن عجوين

اعزائي إدارة واعضاء موقع الجميع موقع الشاعر غازي البراك
اسعد الله جميع اوقاتكم بكل خير وسرور
اليكم هذه التغطية

المناسبة والمكان
عشاء محمد بن عبيد بن عقيل الذي اقامة يوم الجمعة ليلة السبت
في بيت الشعر مضيف بني رشيد مأدبة عشاء لكل من للشيخ عايد بن هندي بن ضري الداموكي
والشيخ عايش عايش بن معلا المظيبري والشاعر جمعان بن خلف المظيبري والشاعر ذويب بن رجاء الخياري
والشيخ عبدالله بن خنيفر بن براك والشيخ ناصر الداموك والاعلامي منصورناصر الداموك

الحـضور
حيث حضر هذه المناسبة من اعيان ووجهاء قبيلة بني رشيد والقبائل الاخرى من خارج المنطقة
على رأسهم المؤرخ الاديب الشاعر / ناصر بن عياضه بن عجوين ورجل الاعمال الشيخ حسن بن معيوف الخياري
والشاعر مبارك بن شريان الشهراني والشاعر عبدالله الداموك والشاعر مشعل بن منصورورجل العمال عايض بن فلاح
احمد بن حامد القعبوبي حابس بن عبيد بن حمود القلادي راعي قرية الصفراء
ومرجع بن حمود القلادي ونايف بن فاضي بن سلمان بن عجوين ونايف بن معيبد بن عقيل بن عجوين
وعبدالله بن حيا المظيبري

الشعر والشعراء
وقد تخلل الحفل عدد من القصائد التي القيت بهذه المناسبه وكذلك بقصائد غير المناسبة شارك فيها
شعراء نالوا استحسان الجميع وهم كلاُ من :
الرواي والؤرخ الشاعر : ناصر بن عياضه بن عجوين
الشاعر : جمعان بن خلف المظيبري
الشاعر : ذويب بن رجاء الخياري
الشاعر : عبدالله عمر الداموك
الشاعر : مشعل بن فرحان المظيبري
الشاعر : عايض بن حامد بن عجوين
الشاعر : مبارك بن شريان الشهراني شاعر الجزالة
الشاعر : قبلان بن فرحان الرمالي الشمري
الشاعر : عبدالهادي الزميلي الشمري
الشاعر : مبروك بن عبيد

القصائد التي القيت بالمناسبة
القصيدة الاولى ترحيبية

للشاعر: مبروك بن عبيد

هلا مرحبا بالضيف واللي معه حضار= تراحيبنا للضيف عادة وفطرية
نرحب لياجاء الضيف ولا الخوي والجار= تراحينا بالصدق ماهي بمخفيه
هلا مرحبا باللي لهم عندنا مقدار= هل الطيب والميقاف لاكبرت الهية
حضرتو لنا تشريف ومنورين الدار= وكل الرجال اتشرفه مثل هالجية
اقوله باسم راعي هلا مكرم الخطار = محمد ولا يحتاج تعريف مولية
ليا عدو اهل الطيب له مقسم وشعار= فعول المراجل كسب يمنا ووراثية

******** type="text/**********">doPoem(0)***********

القصيدة الثانية للشاعر :جمعان بن خلف المظيبري

سلام تسليم الرجال الوفيين=في ليلة تشبه مثل ليلة العيد
جينا على الدعوة حضور(ن) ملبين =على الوعد مع صادقين المواعيد
شرواك تقديره على الرأس والعين =يستاهل اللي ياصله لوهو بعيد
اكرمتنا في دعوتك يابن عجوين= ولاهي غريبه منك يامحمد عبيد
انتم هل الواجب رجال(ن) مسمين= رجالكم يرسي كما نايف الحيد
في واجب الاكرام قوم(ن) كريمين=بصحونكم روس الغنم والمفاريد
يابواديب انت الادب والنباء الزين =ومدحي لشخصك لاينقص ولايزيد
ابوك وعمامك على الطيب ضارين =من روس شيخان الرجال الاواليد
وخوالك اللي بالزوم معروفين= ابناء هديرس من رجال(ن) صناديد
عرفتهم وقت القسى وساعة اللين= ونعم المعرفه طيبين المواريد
جزاء وجهز وسعود بالقلب غالين= مني لهم صدق الاخوة تراديد
يالله عساهم بالحياة متعافين = اطلب لهم من عالم الغيب وازيد
وختامها ياالله عساكم غنيين = يامكرم الضيفان يامحمد عبيد

******** type="text/**********">doPoem(0)***********

القصيدة الثالثه للشاعر: مشعل بن منصور المظيبري

جاني من محمد عبيد عقيل الشهم اتصال=وفزيت للطيب وحييته بمثل اتحيته
فرحت لانه معودني على كثر الصال=راعي وصل يالله عسى حسناه تطمس سيته
قلت انت حولي قال لا عندي لشرواك احتفال=ولازم تجي قلت انت من كلي فخر في جيته
يقول عندي ليلة الجمعة كريمين السبال=قلت انت من طيبه على غيره فرض شخصيته
ايقنت بان العذر ماله عن هل الاجب مجال=وجيتك ولافكرت في كثر العذر وشويته
سقت الركاب ملبين دعوتك يامنصى الرجال=لرضاك ياللي مثل لون الشاش الابيض نيته
لانك من رجال(ن) معرفتهم رصيد ورأس مال=ومن بيت عز(ن) يامن الخايف لياجاء فيته
طيبك يابن عجوين من عجوين الاول لايزال= ولبست ثوبه عز ياسيفه وياجنبيته
العيب فيك انك على قلك عدو(ن) للريال = دون الكرم في عينك المليون قيمة ميته
والعيب الاخر الياكرمت اشبعت وفنيت الحلال=ويالله من سكينك الراعي يفك رعيته
من الكرم حطيت لاسمك بالكرم مضرب مثال= مع من تحلا غصب بأخلاق الكريم وهيته
ماقلت روس اقلام من ماحيت مدح به يقال=وشلون لواعطيت هاجوس الشعر حريته
وقبل الختام من القصور العذر يااف الخصال=ياراعي الكف النديه والكرم ماريته
وقول يالله يالكريم اللي لغيرك مانسال= بارك لابن عجوين في ماله وفي ذريته

******** type="text/**********">doPoem(0)***********

التغطية الاعلامية
تم تغطية هذا لاحتفال بعدسة
موقع وملتقى قبيلة العجاونة الرسمي
وموقع الشاعر غازي البراك موقع الجميع

واليكم الصور بعدسة موقع الجميع تصوير : شبل العجاونة
وسوف نضيف فيمابعد صوت وصورة
لمشاركة الشعراء بهذه المناسبة
نأمل ان تحوز على ضاكم

ماهي غريبه من حاتم عبس

ديوانه مدهال للنشاما الله يكثر خيره

صح الله السنت الشعراء والله يدوم

التواصل والمحبه لاهنت يابو عبيد على هذه

التغطيه الرائعه حفظك الله ورعاك

ماهو غريب. الطيب من هل الطيبوبيض الله وجه على. فعل. الطيب

عاشر بني رشيد تلقى الكرم وطيب المعدن

ماهي غريبه من حاتم عبس
ديوانه مدهال للنشاما الله يكثر خيره
صح الله السنت الشعراء والله يدوم
التواصل والمحبه شكراً يابو عبيد على هذه
التغطيه الرائعه حفظك الله ورعاك