بنت المطر
يا زين المشي في االروض الخضر لا شعشع المخضار
يازين الدير ة اللي مـن حقـوق الوسـم ممطـورة
يريح البال سـجٍ فـي الفيـاض الخضـر والمسيـار
سعـادة للقلـوب اللـي مـن السلـوان مـسـرورة
متى عيني تشـوف اللـي علـى قلبـي ربيـع ودار
أشاهـد للسعـادة فـي حيـاة المجتـمـع صــورة
لا هلـت مـزون فوقـهـن تنعومتـيـن صـغـار
على ذيك اللبـاب اللـي مـن الرضـوان مغمـورة
لا منه أصحى سما غـر المـزون وشعشـع النـوار
ودجـاه أدلـى سدولـه والقمـر متجـلـي نــوره
أشاهـد لـي بــروق دونـهـا ربانـهـا تـنـدار
تقـول أكبـاس غـاز مـن ورا شــلال نـافـورة
سبح ماهر خيالـي فـي الخبـاري والبـرد والنـار
وأشـوف الجمـر فوقـه دلـة الرسـلان منحـورة
هذاك المنظر اللي مـا تشوفـه فـي الحيـاة أمـرار
علـى شوفـه سبابيـح الخيـال تمـوت مقـهـورة
حـرام انـي مـا اهنـي راع المليـون والملـيـار
ولا أهنـي عربـسـات الفـضـا دوره ومـقـدوره
أعيـش بعالـم طـول المـدا يبقـى لهـا تـذكـار
عليّـه بالحـرام انـهـا حـيـاةٍ مالـهـا جــوره
هذا وجه الصحيح ولا علـى وجـه الصحيـح غبـار
حقيقـة ويتمعنـهـا اللبـيـب بكـامـل شـعـوره
حاصل على ترخيص من وزارة الثقافه والاعلام السعودي
بنت المطر للشاعر سعدبن جدلان
" بن جدلان "
العرض العادي
