غابت ثمان اسنين حلن وترحال

[size=لي 4سنوات]السلام عليكم
مساء الخير
كيفكم عسااكم بخير


هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس للأسف مالله قسم ولا تزوجوا زوجوها اهلها واحد ثاني غيره .

وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم

واول يوم دخل الصف ثاني ابتدائي اللي كان يدرسه وهو يشوف كل الأطفال يلعبون ماغير واحد

شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ

ابتسم وناداه وسأله عن اسمه قال انا فلان بن فلان

وهذي كانت المفاجأه قال الأستاذ امك فلانه ؟

قال ايه

طلعت الحبيبه السابقه

سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده

الراااااااائعه واعطاه قال ودها لامك


والقصيده كانت تقول :
غابـت ثمـان اعـوام حــل وتـرحـال
غــابــت ثــمــان كـلـهــا مـدلـهـمـه

دورت عنهـا سنيـن وشهـور وليـال
مـافـيـه قـطــر غـيــر وجـــه يـمــه

وعقب الثمان اللي تعبها برى الحال
جـاب الـزمـان الكـارثـه والمطـمـه

جانـي ولدهـا مبتسـم بيـن الأطـفـال
ومن بسمتـه ذكـرت انـا بسمـة امـه

ركضت له ودمعي على الخد همال
من كثر شوقي قمـت بلحيـل اضمـه

ساعة حظنته والطفل في يـدي مـال
شميـت ريحهـا علـى اطـراف كمـه

واليوم بنت النـاس فـي بيـت رجـال
حب على غيـر الشـرف لـي مذمـه

مجبور اعود واشتكي لكل الأجيـال
بـنـفـس حـزيـنـه تـايـهـه مستـهـمـه

برجـع غريـب مسكنـه بـر ورمــال
يـحـيـا يـمــوت ويـنـدفـن مـايـهـمـه
[/size]

جانـي ولدهـا مبتسـم بيـن الأطـفـال
ومن بسمتـه ذكـرت انـا بسمـة امـه

الله اكبر عزالله اللي سوى هذه القصيده
انه سواها من قلب يعاني ويحترق من فراق هذه الحبيبه
صح السان شاعرها وبيض الله وجهك ياوالد عبس
على جهودك لاعدمناك
تم تثبيت القصيده

وعليكم السلام ورحمة الله وبركااته
بصراحه قصه مؤثره وأبيات قمه في الروعه..

صح لسان شاعرها وسلمت يمناك يالغلا
ولاتحرمنا جديدك المميز

دمت بخير مع التحيه
دلوعته
:

اخي الكريم
اشكرك على نقل القصيدة الرائعه الذي اثار لها صدى واسع بالمجتمع وشاعرها هو عويد المطرفي

مشكوووووور والله يعطيك الف عافيه

مشكور على القصه الرائعه
الله يعطيك العافيه

قصه مشهوره ووحسب ضني ان شاعرها حربي

يعطيك الف عافيه الرشيدي ولد عبس تقبل مروري

جانـي ولدهـا مبتسـم بيـن الأطـفـال
ومن بسمتـه ذكـرت انـا بسمـة امـه

قصة مؤثرة وحزينة
خصوصا انه ذكر فيها ان اسمه شمالي بس مو اللي موقع غازي

لاهنت على القصة والقصيدة الرائعة

تقبل مروري ...

المشاركة الأصلية كتبت بواسطة مفلح النميش

اخي الكريم
اشكرك على نقل القصيدة الرائعه الذي اثار لها صدى واسع بالمجتمع وشاعرها هو عويد المطرفي

اخوي مفلح النميش حسب ماورد أن شاعرها هو الشاعر منصور بن سعدي الرمالي الشمري رحمة الله
وموجودة في منشورات شعريه له تم جمعها من أحد أقرابه ويعمل بالسلك العسكري بدولة قطر
للتوضيح فقط