السلام عليكم ورحمة الله وبركاته..
هذه قصيده كتبتها وهى بعنوان(بر اللوالدين) ارجو ان تحوز على رضاكم..
منظر غريب ويجرح القلب والعيـن=والله ثــم والله كـلـه كـأبــه
شايب وعمره فوق خمسه وسبعين=يبكى وكن دمـوع عينـه سحابـه
جيت وسألته قلت بالله مـن ويـن=وين الاهل يا عـم ويـن القرابـه
قال الحقيقه تهـت كـل العناويـن=واصبح صباحى مع مساى اتشابـه
يابوك انا خسرت اعـز العزيزيـن=اللـى شبابـى راح سبـة شبابـه
ربيته بصغره عن الشيـن بالزيـن=واتعبت نفسى لجل حضرت جنابـه
وازعلت لجل ارضاه ناس ن كثيرين=واضيق لامن طـال عنـى غيابـه
واليوم يتركنى هنـا بيـن ناريـن=والجرح فى قلبـى يزيـد التهابـه
ابنى طعنى فالحشـا بألـف سكيـن=وانا على العالـم مابيـن صوابـه
وين الرضا والبر واليسـر والليـن=وين اختفى نهج النبى والصحابـه
ارجوك وصلنـى لـدار المسنيـن=وكلن نهار الحشـر يلقـى حسابـه
******** type="text/**********">doPoem(0)***********
عيسي عيد الرشيدى
حاصل على ترخيص من وزارة الثقافه والاعلام السعودي
قصيده بعنوان....بر اللوالدين
العرض العادي
