ضـــاق الغمام وفح صدر المزاريب
يالله بجاهك ياعليـــــم الغيوبي
يا منجيً يوسف من الجب والذيب
بحماك يا ساتر خفــــــايا عيوبي
صاحوا تناخوا دوروبي عذاريب
تجمعوا لــيــــــلة وزا سولفوبي
أثري مسوي بالقلوب الاعاجيب
وانا مثل وجه السماء نقش ثوبي
انا وسيع بطان راهي مطاليب
ما ضيق لوشــــــانت نوايا دروبي
آرد وصدر واخذ العلم واجيب
ماني على طرش الرعاع محسوبي
بردت كبدى من قراح المشاريب
دوبي رويت من الشهاليل دوبــي
خليت للحاقد طشاش وحثاريب
يتوب ولا قلــــــــــــعتة لايتـوبي
شعرى زها بجباه بيض المكاتيب
شعرى على طرياه هبت هبوبي
شعري رسايل عيد طيب على طيب
شعرى لوى تلعات الارقاب صوبي
شعري شهد له طيبين المجاذيب
وش عاد لو سود النوايا حكوبي
لو كان مالي غيرها من مكاسيب
ما ابغي شهــــادة ميتين القلوبي
مســاعد الرشــيدي
تحيه الكم